ប៉ារីស៖Le Parisien បានរាយការណ៍កាលពីថ្ងៃអាទិត្យថា ក្រុមហ៊ុនផលិតកម្ម នៅពីក្រោយពិធី បើកព្រឹត្តិការណ៍ ការប្រកួតកីឡាអូឡាំពិក នៅទីក្រុងប៉ារីស ដែលមានប្រធានបទ LGBTQ បានត្អូញត្អែរថាបុគ្គលិក របស់ខ្លួនបានទទួលការគំរាមកំហែង ដល់ជីវិតដោយព្រមានពួកគេអំពី “ការដាក់ទណ្ឌកម្មរបស់ព្រះអាឡស់” យោងតាមការចេញផ្សាយ ពីគេហទំព័រ RT ។
កាសែតនេះបានរាយការណ៍ថា ក្រុមហ៊ុន Paname 2024 បានទទួលការគំរាមកំហែងតាមអ៊ីម៉ែលកាលពីថ្ងៃសុក្រ។ សារទាំងនោះរួមមានខគម្ពីរពី គម្ពីគូរ៉ា និងបាននិយាយថា “ការដាក់ទណ្ឌកម្មរបស់អល់ ឡោះនឹងកើតឡើង ចំ ពោះអ្នករៀបចំនៅ Saint-Denis ដោយកត់សម្គាល់ថា អ៊ីម៉ែលក៏ត្រូវបានផ្ញើទៅកាន់នាយកក្រុមហ៊ុន និងទៅកាន់លោក Thomas Jolly ជានាយកសិល្បៈនៃពិធីនេះ។
Paname 2024 បានបង្វែរការគំរាម កំហែងដល់រដ្ឋអាជ្ញាបារាំង។ ពិធីដែលបានធ្វើឡើងនៅកណ្តាល ទីក្រុងប៉ារីសកាលពីខែមុន បានបញ្ចប់ដោយក្រុម អ្នកស្រលាញ់ភេទដូចគ្នា និងអ្នកប្តូរភេទ ឈរនៅតុដោយធ្វើត្រាប់ តាមរូបរាងរបស់ព្រះយេស៊ូវគ្រីស្ទ និងសាវ័ករបស់ទ្រង់នៅ’អាហារចុងក្រោយ’ របស់ Leonardo Da Vinci ។
បន្ទាប់មក ម្ហូបដ៏ធំសម្បើមមួយត្រូវ បានរុញចេញនៅពីមុខតុ ដែលលេចចេញជារូបរាង បុរសអាក្រាត កាយភាគច្រើនស្រដៀង នឹង Dionysus ជាព្រះក្រិកនៃស្រា និងពិធីបុណ្យ ។ ទស្សនីយភាពនេះ បានធ្វើឲ្យមានការខឹង សម្បារយ៉ាងខ្លាំងក្នុងចំណោមពួកគ្រីស្ទានទូទាំងពិភពលោក ដោយសន្និសិទរបស់ប៊ីស្សពនៃប្រទេសបារាំងបានអះអាងថា វាចំអក និងមើលងាយដល់ជំនឿ។
ពិធីនេះមិនបានចំអកដល់ សាសនាឥស្លាម យ៉ាងច្បាស់នោះ ពិភពមូស្លីមជាទូទៅ មិនសូវអត់ឱន ចំពោះការស្រឡាញ់ភេទ ដូចគ្នាជាងពិភពគ្រិស្ត សាសនា ហើយ Jolly បានប្រាប់ព្រះរាជអាជ្ញាកាលពីដើមសប្តាហ៍នេះថា លោកក៏បានទទួលសារ គំរាមកំហែង និងការប្រមាថដែលរិះគន់ទំនោរផ្លូវភេទ របស់គាត់ និងការសន្មត់ថា អ៊ីស្រាអែលខុស ៕
