ខ្សែប្រយុទ្ធចំណូលថ្មី K. Mbappé រកបានមួយគ្រាប់ពីការបញ្ជូនបាល់របស់ J,Bellingham នៅនាទីទី៦៨ ដើម្បីជួយ Real Madrid យកឈ្នះទៅលើក្រុម Atalanta ២-០ ដើម្បីលើកពាន EUFA Super Cup ។
ក្នុងការប្រកួតនោះ១គ្រាប់ទៀតរកបានដោយ F. Valverde នៅនាទីទី៥៩ បន្ទាប់ពីមានការបញ្ជូនបាល់របស់ Vinícius Júnior ។ ២ គ្រាប់នៅវគ្គទី២គ្រប់គ្រាន់ឲ្យ Real Madrid លើកពាន EUFA Super Cup លើកទី៦របស់ខ្លួន ។ ក្នុងការប្រកួតនោះគេមើលឃើញថា Atalanta ហាក់ដូចជាគ្មានឱកាសបង្កើតភាពបារម្ភពេកទេដល់ Real Madrid ដ្បិតតែក្រុមមកពីអ៊ីតាលី ស៊ុតចំគោលដៅតែ១ជើងប៉ុណ្ណោះ ក្នុងរយៈពេលពេញ៩០នាទី បើទោះជាពួកគេប្រឹងបង្កើតឱកាសដើម្បីស៊ុតបានសរុប៨លើកក៏ដោយ ក្នុងនោះស៊ុតដោយ Block មានចំនួន២លើក និងស៊ុតខុសគោលដៅ៥លើក ។
សូមបញ្ជាក់ថា នេះជាការប្រកួតផ្លូវការលើកដំបូងរបស់ K. Mbappé ឲ្យក្រុមថ្មី Real Madrid ហើយខ្សែប្រយុទ្ធវ័យ២៥ ឆ្នាំក៏រកបានគ្រាប់បាល់ភ្លាមៗក្នុងការប្រកួតដំបូងរបស់គេឲ្យក្រុមស្ដេចសផងដែរ៕
