អ្នកចាំទីរបស់ក្រុមអ្នកមានបុណ្យ Barcelaona គឺកីឡាករ Marc-Andre ter Stegen បានធ្វើការវះកាត់របួសជង្គង់ ដោយជោគជ័យ និងត្រូវបន្តសម្រាកព្យាបាលចំនួន ៧ខែ ។
Marc-Andre ter Stegen បានប្ដូរចេញនៅវគ្គទី២ក្នុងជំនួបយកឈ្នះទៅលើ Villareal ៥-១ កាលពីចុងសប្ដាហ៍កន្លងទៅ ពេលនោះអ្នកចាំទីរបស់ Barca បានលុតជង្គង់ដើម្បីសង្គ្រោះបាល់ពីការស៊ុតរបស់ Villareal ។ ដ្បិតតែមិនទាន់អាចសន្និដ្ឋាន១០០% ប៉ុន្តែបើតាមការប៉ាន់ស្មានរបស់ក្លឹប Marc-Andre ter Stegen នឹងត្រូវអវត្តមានយ៉ាងតិចចំនួន ៧ខែ។
អ្នកចាំទីវ័យ៣២ឆ្នាំបង្ហាញខ្លួន សរុបចូលជាង៤០០ប្រកួតហើយ គិតបញ្ចូលទាំងការបង្ហាញខ្លួនកាលនៅ Borussia Monchengladbach។ ក្នុងការយកឈ្នះទៅលើ Villareal ៥-១ នោះ បានធ្វើឲ្យ Barcelona មានគម្លាត៤ពិន្ទុពី Real Madrid ក្នុងក្របខណ្ឌ La Liga ៕
