អ្នកមានបុណ្យ Barcelona បន្តកំណត់ត្រាឈ្នះ១០០% ក្នុងចំណោម៧ប្រកួតចាប់ផ្ដើមនៅ La Liga បន្ទាប់ពីក្រុមនេះយកឈ្នះទៅលើ Getafe ១-០ កាលពីយប់ថ្ងៃទី២៥ ឈានចូលថ្ងៃទី២៦ ខែកញ្ញា ឆ្នាំ២០២៤។
១គ្រាប់របស់ក្រុមម្ចាស់ផ្ទះ Barca ធ្វើបានដោយ Robert Lewandowski នៅនាទីទី១៩ ។ ១គ្រាប់នេះគឺបន្តរហូតដល់បញ្ចប់៩០នាទីពេញ បើទោះបីការប្រកួតបន្តសម្រុកគ្នាខ្លាំងប៉ុណ្ណាក៏មិនអាចបន្ថែមគ្រាប់បាល់បានដែរ។
គិតមកដល់ពេលនេះ ក្នុងចំណោមលីគទាំង៥ធំបំផុតនៅតំបន់អឺរ៉ុប នៅសល់តែពីរក្រុមប៉ុណ្ណោះដែលមានកំណត់ត្រាឈ្នះ១០០%គឺ Bayern Munich ដោយក្រុមនេះលេង៤ប្រកួតឈ្នះទាំង៤។ ៣ពិន្ទុបន្ថែមនេះជួយឲ្យ Barcelona រក្សាគំលាត៤ពិន្ទុពីក្រុមលេខ២ Real Madrid ដោយក្រុមអ្នកមានបុណ្យមាន២១ពិន្ទុពេញ ស្របពេលដែល Real Madrid មាន១៧ពិន្ទុស្ថិតនៅលេខ២នៅ La Liga ៕
