ភ្នំពេញ ៖ គិតមកដល់ថ្ងៃទី៣១ ខែតុលា ឆ្នាំ២០២៤នេះ ក្រុមកីឡាចំបាប់ ក្រសួងមហាផ្ទៃ ដណ្តើមបានមេដាយមាស ៤ គ្រឿងលើប្រភេទកីឡា ចំបាប់សម្រាប់ពឹត្តិការណ៍ ការប្រកួតកីឡាជាតិលើកទី៤ និងកីឡាជាតិ ជនពិការលើកទី២ នៅសាហ្វឹកហាត់ដំបូលទូកសហព័ន្ធ ក្នុងពហុកីឡដ្ឋានជាតិ អូឡាំពិក ។
សម្រាប់ប្រភេទកីឡាចំបាប់ ក្រុមកីឡាចំបាប់ ក្រសួងមហាផ្ទៃ ដណ្តើមបានមេដាយមាស ៤ គ្រឿង មេដាយប្រាក់ ១គ្រឿង និងមេដាយសំរិទ្ធ ១ គ្រឿង តាមពីក្រោយក្រសួងមហាផ្ទៃ គឺក្រុមកីឡាចំបាប់ខេត្តកណ្តាល ដណ្តើមបានមេដាយមាស ២ គ្រឿង និងមេដាយសំរិទ្ធ ៥ គ្រឿង ។
ចំណែកក្រុមកីឡាចំបាប់ខេត្តមណ្ឌលគិរី ដណ្តើមបានមេដាយមាស ១ គ្រឿង មេដាយប្រាក់ ៣ គ្រឿង និងមេដាយសំរិទ្ធ ៣ គ្រឿង ក្រុមកីឡាចំបាប់ខេត្តព្រៃវែងដណ្តើមបានមេដាយមាស ១ គ្រឿង និងមេដាយសំរិទ្ធ ១ គ្រឿង ក្រុមកីឡាចំបាប់ខេត្តកំពង់ឆ្នាំង ដណ្តើមបានមេដាយប្រាក់ ៣ គ្រឿង និងក្រុមកីឡាចំបាប់ខេត្តពោធិ៍សាត់ ដណ្តើមបានមេដាយប្រាក់ ១ គ្រឿង និងមេដាយសំរិទ្ធ ៣ គ្រឿង៕
ដោយ៖លី ភីលីព
