បើមើលទៅលើអ្នកស៊ុតគ្រប់គ្នា ពិតជាស្គាល់ហើយ Haaland , Salah និង Mbappe ជាដើម ប៉ុន្តែបើមើលទៅលើប្រាក់ខែប្រចាំសប្ដាហ៍កីឡាករប៉ុន្មានអ្នកនេះ មិនមែនជាអ្នកដែលទទួលបានច្រើន ជាងគេនៅក្នុងតំបន់អឺរ៉ុបក្នុងរជ្ជកាលនេះទេ។ ដើម្បីឲ្យប្រិយមិត្តដឹងកាន់តែច្បាស់ពេលនេះ Sabay សូមធ្វើការបង្ហាញតម្លៃ ពលកម្មប្រចាំសប្ដាហ៍ខ្ពស់បំផុតទាំង១០នៅតំបន់អឺរ៉ុបក្នុងរដូវ កាល២០២៤-២០២៥ ៖
៩- នៅលេខរៀងទី៩ នេះមានពីររូបដែលទទួលបានតម្លៃ ពលកម្មប្រចាំសប្ដាហ៍ប្រហែលគ្នា ដូច្នេះមិនមានអ្នកនៅលេខរៀងទី១០ទេ ពោលគឺពួកគេស្ថិតនៅលេខរៀងទី៩ទាំងពីរនាក់តែម្ដងគឺ Mohamed Salah របស់ Liverpool និង Casemiro របស់ Manchester United ដោយទទួលបាន៣៥ម៉ឺនផោនក្នុងមួយសប្ដាហ៍។
៨-Dusan Vlahovic របស់ Juventus ខ្សែប្រយុទ្ធជម្រើសជាតិសែបរូបនេះទទួលបាន៣៥ម៉ឺន៩ពាន់ផោនក្នុងមួយសប្ដាហ៍។
៧-David Alaba របស់ Real Madrid បច្ចុប្បន្នទទួលបានថ្លៃពលកម្ម ៣៦ម៉ឺន៤ ពាន់ផោនក្នុងមួយសប្ដាហ៍ ដែលតម្លៃនេះទទួលបានច្រើនជាងមិត្តរួមក្រុមរបស់ Luka Modric, Vinicius Junior និង Jude Bellingham ទៅទៀត។
៦-Erling Haaland របស់ Manchester City ទទួលបាន៣៧ម៉ឺន ៥ពាន់ផោនក្នុងមួយសប្ដាហ៍។
៥-Kevin De Bruyne របស់ Manchester City ទទួលបាន៤០ម៉ឺនផោនក្នុងមួយសប្ដាហ៍។
៤-Harry Kane របស់ Bayern Munich ទទួលបាន៤០ម៉ឺន៤ពាន់ផោនក្នុងមួយសប្ដាហ៍។
៣- Kylian Mbappe របស់ Real Madrid ទទួលបាន៥០ម៉ឺន ៥ពាន់ផោនក្នុងមួយសប្ដាហ៍។
២- Robert Lewandowski របស់ Barcelona ទទួលបាន ៥៣ម៉ឺន ៩ពាន់ផោនក្នុងមួយសប្ដាហ៍។
១- Frankie De Jong របស់ Barcelona ទទួលបាន ៦០ម៉ឺន ៦ពាន់ផោនក្នុង១សប្ដាហ៍ ដែលចំនួនទឹកប្រាក់នេះគឺច្រើនជាងគេបង្អស់នៅតំបន់អឺរ៉ុបនាពេលបច្ចុប្បន្ន
