The Goal ចេញផ្សាយនៅថ្ងៃនេះ បានឲ្យដឹងថា វិរៈបុរសក្លឹប AC Milan លោក Zlatan Ibrahimovic បានប្រាប់ទៅកាន់កីឡាករ Christian Pulisic និងមិត្តរួមក្លឹបដទៃទៀតថា ពួកគេអាចបង្កើតប្រវត្តិសាស្ត្រ បាននៅរដូវកាលនេះ។
Ibrahimovic គឺជាអតីតកីឡាករ ដែលមានបទពិសោធខ្លាំង ក្នុងការប្រកួតបាល់ទាត់ ព្រមទាំងបទពិសោធ ក្នុងការលើកពានរង្វាន់ ស្ទើររាប់មិនអស់ជាមួយនឹង AC Milan ហើយបច្ចុប្បន្នលោកក៏ជាទីប្រឹក្សាជាន់ខ្ពស់របស់ក្លឹបផងដែរ។
Ibrahimovic បាននិយាយថា ៖ ក្លឹបបច្ចុប្បន្នកំពុងបន្តរីកចម្រើន ជាបន្តបន្ទាប់ប៉ុន្តែយើងត្រូវធានាថា វាមានស្ថេរភាពនិងតុល្យភាព ។ ពួកយើងអាចធ្វើបានល្អជាងនេះ ពីព្រោះថាលទ្ធផល នៃការប្រកួតចុងក្រោយ គឺជារឿងដែលមិន គួរឲ្យកើតមានឡើងសោះ។
ថ្លែងបែបនេះនៅក្រោយពេល ដែលការប្រកួត ចុងក្រោយរបស់ AC Milan ប៉ះនឹង Real Madrid ដែលក្រុមអាចនាំមុខ បានដល់ទៅលទ្ធផល ៣ទល់នឹង១ទៅហើយប៉ុន្តែបែរជាធ្វេសប្រហេសឲ្យ Real Madrid តាមស្មើមមកវិញ បានក្នុងលទ្ធផល៣ទល់៣វិញ៕
ប្រែសម្រួល៖ស៊ុនលី
