The Goal ចេញផ្សាយនៅថ្ងៃនេះ បានឲ្យដឹងថាលោក Pep Guardiola បានបង្ហើបអំពីមូលហេតុថា តើហេតុអ្វីបានជាលោក បានសម្រេចចិត្តបន្តរស់ នៅជាមួយនឹង Man City បន្ថែមជាច្រើនរដូវកាលទៀត។
លោក Guardiola បានអះអាងថា លោកបានដាក់ការតាំងចិត្ត យ៉ាងខ្លាំងជាមួយនឹង Man City តាមរយៈកុងត្រា ដែលមានរយៈពេល២ឆ្នាំទៀត ដោយក្នុងនោះលោកអះអាងថា លោកចង់លើកពានរង្វាន់ ឲ្យបានកាន់តែច្រើនបន្ថែមទៀត។
គួរឲ្យដឹងដែរថាការបន្តកុងត្រា របស់គាត់បានធ្វើឡើង បន្ទាប់ពីការបង្ហាញវត្តមានអស់ រយៈពេល៨រដូវកាល មកហើយដោយលោកបានចូល រួមជាមួយនឹងក្លឹបតាំង តែពីឆ្នាំ២០១៦។
ក្នុងនោះលោកបានជួយ ក្លឹបលើកពានរង្វាន់ស្ទើរ រាប់មិនអស់ ដែលមានដូចជា Premier League ចំនួន៦ FA Cups ចំនួន២ League Cups ចំនួន៤និង Champions League ម្តងផងដែរ៕
ប្រែសម្រួល៖ស៊ុនលី
