យោងតាមការចេញផ្សាយរបស់ The Goal បានឲ្យដឹងថា លោក Ruud van Nistelrooy បានសម្រេចចិត្តទទួល យកការងារជាគ្រូបង្វឹក នៅលីគកំពូលអង់គ្លេស ហើយបន្ទាប់ពីបានចាកចេញ ពីក្លឹបបិសាចក្រហម Man UTD។
លោក Nistelrooy ត្រូវបានគេជឿជាក់ថា នឹងក្លាយទៅជាគ្រូបង្វឹករបស់ក្លឹប Leicester City បន្ទាប់ពីគ្រូបង្វឹកលោក Steve Cooper ត្រូវបានក្លឹបនេះបណ្តេញចេញ ។ គេបានដឹងទៀតដែរថា គ្រូបង្វឹកជនជាតិហូឡង់រូបនេះធ្លាប់ត្រូវបានក្លឹប Leicester City សុំធ្វើការចរចា ជាច្រើនដងរួចមកហើយ។
តាមផែនការបុរសវ័យ៤៩ឆ្នាំរូបនេះ នឹងអាចត្រូវបានគេប្រកាស ជាផ្លូវការជាគ្រូបង្វឹករបស់ក្លឹប Leicester City នៅក្រោយការប្រកួតរបស់ក្រុមប៉ះ នឹងក្រុម Brentford នៅសប្តាហ៍ក្រោយនេះហើយ។
គួរឲ្យដឹងដែរថាលោក Nistelroroyធ្លាប់ធ្វើការ ជាគ្រូបង្វឹករបស់ក្លឹប PSV Eindhoven នៅហូឡង់ និងធ្លាប់លើកពានរង្វាន់ KNVB Cup កាលពីចុងរដូវ កាល២០២២-២០២៣ផងដែរជូនក្លឹប ៕
ប្រែសម្រួល៖ស៊ុនលី
