The Goal ចេញផ្សាយនៅថ្ងៃនេះបានឲ្យដឹងថា គ្រូបង្វឹកក្លឹបបិសាចក្រហម Man UTD លោក Ruben Amorim បាននិយាយថាកីឡាករខ្សែ ប្រយុទ្ធស្លាប Amad Diallo មានបំនងចង់បន្តរស់នៅជាមួយ នឹងក្លឹបដូច្នេះគាត់នឹងបើកផ្លូវ ឲ្យមានការបន្តចរចា គ្នាបន្ថែមទៀតជាមួយនឹងក្លឹប។
កីឡាករ Amad ដែលបានផ្ទេរ មកចូលរួមជាមួយនឹង Man UTDតាំងតែពីឆ្នាំ២០២១ នោះមិនសូវទទួលបាន ឳកាសច្រើនដូចនឹងរដូវកាលនេះ ឡើយខណៈដែលវ័យ២២ឆ្នាំ រូបនេះនឹងអាចមានតម្លៃខ្លួនប្រមាណជា ៣៧លានផោនទៅហើយ។
នៅពេលដែលត្រូវ បានសួរថា តើកុងត្រារបស់ Amad នឹងត្រូវបន្តឬយ់ាងណានោះ លោក Amorim បាននិយាយថា ៖ ខ្ញុំគិតថា គាត់ចង់ នៅបន្តជាមួយយើងដូច្នេះយើង ក៏ចង់ឲ្យគាត់បន្តស្នាក់នៅជាមួយយើងដែរ ។ យើងនឹងស្វែងរក ដំណោះស្រាយឲ្យច្បាស់លាស់ មួយដើម្បីសម្រេចបានការងារនេះ។
រដូវកាលនេះ Amad រកបាន៣គ្រាប់មកហើយនិង ជួយមិត្តរួមក្លឹបរកបាន៥គ្រាប់ ហើយក៏បានបង្កើននាទី ក្នុងការបង្ហាញ ខ្លួនកាន់តែច្រើនផងដែរ៕
ប្រែសម្រួល៖ស៊ុនលី
