ប្រកួតលីគកំពូលអង់គ្លេស យប់មិញនេះម្ចាស់ ផ្ទះកាំភ្លើងធំ Arsenal បានធ្វើល្អខ្លាំងណាស់ ដោយអាចស៊ុតបញ្ចូលទី បានដល់ទៅ២គ្រាប់ ហើយមិនឲ្យក្រុមភ្ញៀវបិសាចក្រហម Man UTD ស៊ុតបានមួយគ្រាប់ឡើយ។
២គ្រាប់ធ្វើបានដោយកីឡាករ Timber នៅនាទីទី៥៤តង់ទី២ និងមួយគ្រាប់ទៀតដោយ Saliba នាទីទី៧៣ខណៈដែល Man UTD ប៉ុនប៉ងច្រើនដែរតែមិន បានសម្រេចឡើយ ដោយក្នុងនោះអាចស៊ុត ចំគោលដៅតែ២ដងប៉ុណ្ណោះ។
៣ពិន្ទុពេញដៃរបស់ Arsenal បានធ្វើឲ្យក្រុមឡើង ទៅលេខរៀងទី៣ បណ្តោះអាសន្មមាន២៨ពិន្ទុ ស្មើទៅនឹងក្រុមលេខ២ គឺតោខៀវ Chelsea ខណៈដែលហង្សក្រហម Liverpool មាន៣៥ពិន្ទុឈរនៅលំដាប់ទី១។
ចំណែកឯ Man UTD មានត្រឹមតែ១៩ពិន្ទុ ឈរនៅលេខរៀងទី១១ ពាក់កណ្តាលតារាងខនៈដែលគឺជាការប្រកួតទី២ ប៉ុណ្ណោះក្រោមការដឹកនាំរបស់គ្រូបង្វឹកថ្មីគឺលោក Amorim៕
ប្រែសម្រួល៖ស៊ុនលី
