វៀតណាម ៖ យោងតាមការចេញ ផ្សាយពីគេហទំព័រ VN Express បានប្រាប់ឲ្យដឹងថា លោកគ្រូបង្វឹកជនជាតិកូរ៉ខាងត្បូង Kim Sang-sik បានសម្រេចចិត្តកោះហៅខ្សែ ប្រយុទ្ធប្រេស៊ីល កីឡាករ Rafaelson ឲ្យចូលជាមួយក្រុមបាល់ទាត់ជម្រើសជាតិវៀតណាម ត្រៀមខ្លួនក្នុងព្រឹត្តិការណ៍ការ ប្រកួតកីឡាបាល់ទាត់ពានរង្វាន់ AFF Cup 2024 នាពេលខាងមុខ ។
កីឡាករ Rafaelson មានឈ្មោះ វៀតណាម ថា Nguyen Xuan Son បានក្លាយជាពលរដ្ឋវៀតណាមក្នុងខែកញ្ញា។ លោកជាកីឡាករមានទេពកោតសល្យ ពីធម្មជាតិដំបូងគេត្រូវបានកោះហៅចូលក្រុមជម្រើសជាតិ ចាប់តាំងពីឆ្នាំ ២០០៩ ដូចកីឡាករ Phan Van Santos, Huynh Kesley Alves, Dinh Hoang Max និង Dinh Hoang La ។
នេះជាការបន្ថែមដ៏សំខាន់មួយ សម្រាប់ក្រុម ជាមួយនឹងសមត្ថភាពបង្ហាញឲ្យឃើញរបស់ Rafaelson ចំពោះក្រុម បន្ទាប់ពីទទួលបានជោគជ័យចំនួន ៥ ក្នុងក្របខណ្ឌ V. League ជាមួយក្រុម Nam Dinh FC, SHB Da Nang និង Binh Dinh FC ។ លោកស៊ុតបញ្ចូលទីបាន ៧៥ គ្រាប់ក្នុង១០០ ប្រកួតនៅទូទាំង V. League, National Cup និង Super Cup ។
ខ្សែប្រយុទ្ធវ័យ ២៧ ឆ្នាំរូបនេះកាន់កំណត់ត្រារកគ្រាប់បាល់បានច្រើនបំផុតក្នុងមួយរដូវកាលនៃ V. League ដោយបានស៊ុតបាល់បញ្ចូលទីបាន ៣១ ដងក្នុងរដូវកាល ២០២៣-២០២៤ ។ ទម្រង់លេងនេះបានលើសពីកំណត់ត្រាមុនរកបាន ២៥ គ្រាប់ដោយ Le Huynh Duc ក្នុងឆ្នាំ ១៩៩៦ ។ ទោះបីជាមានរបួសក្នុងរដូវកាលនេះក៏ដោយ Rafaelson នៅតែអាចស៊ុតបញ្ចូលទីបាន ៧ គ្រាប់ក្នុង ៦ ប្រកួតដោយចូលរួមជាមួយ Nguyen Tien Linh (Becamex Binh Duong) និង Leonardo Artur (Cong An Ha Noi) ក្នុងចំណោមអ្នកស៊ុតបញ្ចូលទីច្រើនជាងគេរបស់លីក។
ក្រោមបទប្បញ្ញត្តិរបស់ FIFA កីឡាករ Rafaelson មានលក្ខណៈសម្បត្តិគ្រប់គ្រាន់ ក្នុងការលេងឲ្យប្រទេសវៀតណាម បន្ទាប់ពីបំពេញលក្ខខណ្ឌ នៃការរស់នៅក្នុងប្រទេសនេះ យ៉ាងហោចណាស់ ៥ ឆ្នាំ បន្ទាប់ពីអាយុ ១០ ឆ្នាំ។ សហព័ន្ធបាល់ទាត់វៀតណាម (VFF) បានផ្តល់ឯកសារចាំបាច់ ហើយ FIFA បានបញ្ជាក់ថា Rafaelson នឹងឈានដល់តម្រូវការ។ កំណត់រយៈពេលប្រាំឆ្នាំនៅថ្ងៃទី ២០ ខែធ្នូ ឆ្នាំ ២០២៤ បន្ទាប់ពីកាលបរិច្ឆេទនេះ គាត់នឹងមានសិទ្ធិតំណាង ឲ្យក្រុមជម្រើសជាតិវៀតណាម។
សហព័ន្ធកីឡាបាល់ទាត់អាស៊ាន (AFF) ក៏បានបញ្ជាក់ថា លោក Rafaelson មានសិទ្ធិចូលរួមក្នុងពានរង្វាន់ AFF Cup 2024 ប៉ុន្តែលោកនឹងមិនអាចលេង បានសម្រាប់ការប្រកួតក្នុងពូលបី លើកដំបូងទល់ នឹងឡាវ (៩ ធ្នូ) ឥណ្ឌូនេស៊ី (១៥ ធ្នូ) ។ និងហ្វីលីពីន (ថ្ងៃទី១៨ ខែធ្នូ)។ លោក Rafaelson ត្រូវបានគេរំពឹងថា នឹងបង្ហាញខ្លួនជាលើកដំបូង ក្នុងការប្រកួតវគ្គចែកពូលចុងក្រោយ ជាមួយនឹងមីយ៉ាន់ម៉ានៅថ្ងៃទី ២១ ខែធ្នូ៕
