អង់គ្លេស៖ យោងតាមការចេញផ្សាយពីគេហទំព័រ Daily Mail បានប្រាប់ឲ្យដឹងថា អ្នកចាំទីឆ្នើមរបស់ក្លឹបបាល់ទាត់ Paris Saint-Germain កីឡាករ Gianluigi Donnarumma បានរងរបួសផ្ទៃមុខយ៉ាងធ្ងន់ធ្ងរ បន្ទាប់ពីអ្នកចាំរូបត្រូវមួយជើងរបស់កីឡាករ Monaco ចំផ្ទៃមុខខាងស្តាំយ៉ាងពេញទំហឹងក្នុងព្រឹត្តឹការណ៍ការប្រកួតកីឡាបាល់ទាត់ Ligue 1 កាលថ្ងៃទី១៨ ខែធ្នូ ឆ្នាំ២០២៤ ។
អ្នកចាំទីអ៊ីតាលីរូបនេះបានសង្គ្រោះបាល់ពីកីឡាករ Wilfried Singo ក្នុងតង់ទីមួយនៃការប្រកួតនៅ Stade Louis II ទើបធ្វើឲ្យរូបលោករងរបួសផ្ទៃមុខយ៉ាងធ្ងន់ធ្ងរបែបនេះ។ កីឡាករ Donnarumma ត្រូវបានធាក់ចំមុខដោយស្បែកជើងរបស់កីឡាករ Singo បន្ទាប់ពីអ្នកចាំទីអ៊ីតាលីឆ្នើមចេញសង្គ្រោះគ្រាប់បាល់ ។
កីឡាករ Donnarumma បានដើរចេញពីទីលាន បន្ទាប់ពីត្រូវបានព្យាបាលដោយបុគ្គលិកពេទ្យរបស់ PSG ។ PSG បានសរសេរនៅលើប្រព័ន្ធផ្សព្វផ្សាយសង្គមថា សូមផ្ញើការជូនពររបស់យើងទៅកាន់ Gigio ដែលបានរងរបួសមុខធ្ងន់ធ្ងរ ហើយត្រូវចាកចេញពីការប្រកួតក្នុងតង់ទីមួយ ។
ចំណែកកីឡាករ Singo បានគេចផុតពីការពិន័យ ពីអាជ្ញាកណ្តាល Francois Letexier សម្រាប់ការបង្កឲ្យកីឡាករ Donnaruma រងរបួសផ្ទៃមុខយ៉ាងធ្ងន់ធ្ងរ៕
