ម៉ាឡេស៊ី ៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា បុរសជនជាតិម៉ាឡេស៊ីម្នាក់បានសារភាពថា រូបលោកបានសម្លាប់ស្ត្រីម្នាក់ ហើយប្លន់យកគ្រឿងអលង្ការ ដើម្បីបំពេញផ្នែកហិរញ្ញវត្ថុ របស់លោកក្នុងការធ្វើដំណើរ មកកម្ពុជាដើម្បីទស្សនាព្រឹត្តិការណ៍ ការប្រកួតកីឡា ASEAN Cup 2024 ។
សាកសពជនរងគ្រោះត្រូវបានរកឃើញនៅថ្ងៃទី ១៤ ខែធ្នូ ក្នុងខេត្ត Sarawak រយៈពេល ៦ ថ្ងៃបន្ទាប់ពីក្រុមបាល់ទាត់ជម្រើសជាតិម៉ាឡេស៊ីប្រកួតជាមួយកម្ពុជាក្នុងជើងទី១ នៃពូល A នៅថ្ងៃទី ៨ ខែធ្នូ។ ប៉ូលិសខេត្ត Sarawak បានកំណត់អត្តសញ្ញាណភ្លាមៗ និងឃាត់ខ្លួនជនសង្ស័យ។ ក្រោយការស៊ើបអង្កេត បុរសរូបនេះបានសារភាពថា ពិតជាបានសម្លាប់ស្ត្រីអាយុ២៦ឆ្នាំ ដើម្បីលួចខ្សែដៃ និងក្រវិលមាសរបស់នាង ក្រោយមកលោកបានបញ្ចាំរបស់របរជាសាច់ប្រាក់។
មេប៉ូលិសខេត្ត Sarawak លោក Mancha Ata បានប្រាប់កាសែត ម៉ាឡេស៊ី Harian Metro ថា លោកបានសារភាពថា បានសម្លាប់នាង ដើម្បីចំណាយសម្រាប់ការធ្វើដំណើរ ក្នុងប្រទេសកម្ពុជារបស់លោកដើម្បីទស្សនា ASEAN Cup ។
ជនរងគ្រោះត្រូវបានក្រុមគ្រួសាររាយការណ៍ថា បានបាត់ខ្លួនកាលពីថ្ងៃទី ៥ ខែធ្នូ រីឯសាក្សីចុងក្រោយបានឃើញនាងជាមួយបុរសម្នាក់ ដែលនាងទើបតែបានជួប ៦ថ្ងៃក្រោយមក សាកសពរបស់នាងត្រូវបានគេរកឃើញនៅកន្លែងចាក់សំរាម ដែលត្រូវបានរលួយយ៉ាងធ្ងន់ធ្ងរ ។ ប៉ូលីសកំពុងរង់ចាំលទ្ធផលតេស្ត DNA ដែលរំពឹងទុកនៅថ្ងៃទី២២ ខែធ្នូ ដើម្បីបញ្ជាក់អត្តសញ្ញាណជនរងគ្រោះ ។
ឧក្រិដ្ឋកម្មដ៏គួរឲ្យតក់ស្លុតនេះ បានបង្កឲ្យមានកំហឹងក្នុងសហគមន៍ បាល់ទាត់ម៉ាឡេស៊ី។ អ្នកគាំទ្រម៉ាឡេស៊ីត្រូវបានគេស្គាល់ថា មានការគាំទ្រយ៉ាងពេញទំហឹង របស់ពួកគេ ដោយតែងតែដាក់ចំណងជើងដោយការលះបង់របស់ពួកគេ ។ ក្នុងព្រឹត្តិការណ៍ Asian Cup 2023 អ្នកគាំទ្រម៉ាឡេស៊ីម្នាក់ ទទួលបានការចាប់អារម្មណ៍ ពីការលក់ម៉ូតូរបស់លោកដើម្បីទិញដំណើរកម្សាន្តទៅកាន់ប្រទេសកាតា ដែលម៉ាឡេស៊ីបានប្រកួតស្មើ ៣-៣ ជាមួយកូរ៉េខាងត្បូង ៕
