ការប្រកួតនៅលីគកំពូលអង់គ្លេសកាលពីយប់មិញនេះម្ចាស់ផ្ទះ Crystal Palace បានបើកទ្វាផ្ទះរបស់ខ្លួនទទួលស្វាគមន៍ក្រុមខ្លាំងកាំភ្លើងធំ Arsenal ប៉ុន្តែលទ្ធផលមិនសូវជាល្អគាប់ប្រសើរនោះទេ។
ក្រុមភ្ញៀវបានធ្វើការសម្រុកយ៉ាងខ្លាំងរហូតធ្លាយគ្រាប់បាល់ដំបូងតាំងតែពីនាទីទី៦ មកម្ល៉េះដោយកីឡាករ Jesus និងមួយគ្រាប់ទៀតដោយ Jesus ដដែលនៅនាទីទី១៤។ ៣គ្រាប់ទៀតរបស់ Arsenal ធ្វើបានដោយ Havertz, Martinelli និង Rice ខណៈម្ចាស់ផ្ទះតាមបានតែមួយគ្រាប់ប៉ុណ្ណោះដោយ Sarr នៅនាទីទី១១។
លទ្ធផល ៥ទល់នឹង១ នេះបានធ្វើឲ្យ Arsenal ឡើងទៅលេខរៀងទី៣ក្នុងតារាងបណ្តោះអាសន្នតាមពីក្រោយក្រុមលេខ២ តោខៀវ Chelsea ចំនួនតែ ១ពិន្ទុ និងក្រុមហង្សក្រហម Liverpool នៅកំពូលតារាងដល់ទៅ៣ពិន្ទុ៕
ប្រែសម្រួល៖ ស៊ុនលី
