ខ្សែប្រយុទ្ធស្លាបរបស់ Liverpool, Mohamed Salah នឹងផុតកុងត្រានៅជាមួយក្លឹប នៅក្នុងរដូវក្ដៅរដូវកាលនេះ ខណៈដែលកុងត្រាថ្មី មិនទាន់មាននៅឡើយ ខណៈដែលការបញ្ជូនបាល់ឲ្យមិត្តរូបក្រុមបានសម្រេចទី ( Assist ) រូបគេបានឈានចូលជាប់ឈ្មោះ ជាកីឡាករទី១០ឬជាប់ Top10 បាត់ទៅហើយនៅ EPL ។
គិតមកដល់ពេលនេះ Salah បានជាប់ឈ្មោះក្នុង Top 10 នៃអ្នក Assist នៅ English Premier League ដោយមានស្ថិតិ Assist ចំនួន ៨០ដងស្មើអតីតកីឡាករ Manchester United, David Beckham។ Salah បានចំណាយពេល២៧៩ប្រកួតនៅទឹកដីអង់គ្លេស ក្នុងនោះគេលេងឲ្យ Liverpool បានចំនួន ២៦៦ប្រកួតរកបាន១៧០គ្រាប់។
ដ្បិតតែជាកីឡាករឆ្នើមនៅអង់គ្លេសនាពេលបច្ចុប្បន្ន នឹងបានជួយ Liverpool ឲ្យកាន់កាប់កំពូលតារាង EPL ប៉ុន្តែ Salah មិនទាន់មានព័ត៌មានអ្វីទាក់ទងនឹងការចុះកុងត្រាថ្មីនៅជាមួយ ហង្សក្រហមនៅឡើយទេ។ គេនៅរង់ចាំមើលដល់ចប់ការប្រកាសកុងត្រាថ្មីមួយនេះតើអាចកើតឡើងទេ ខណៈដែលទីផ្សារដោះដូរកីឡាករខែមករាកាន់តែខិតជិតមកដល់៕
