ភ្នំពេញ៖ព្រឹត្តិការណ៍ការប្រកួតកីឡាកាយសម្ព័ន្ធជ្រើសរើសជើងឯកថ្នាក់ជាតិ និងការប្រកួតកីឡាកាយសម្ព័ន្ធពានរង្វាន់លោកបណ្ឌិត ថោង ខុន ប្រធានសហព័ន្ធកីឡាកាយសម្ព័ន្ធកម្ពុជា ឆ្នាំ២០២៤ ដែលប្រព្រឹត្តទៅពីថ្ងៃទី២២ ដល់ថ្ងៃទី២៧ ខែធ្នូ ឆ្នាំ២០២៤ នៅសាលហ្វឹកហាត់ដំបូលទូករបស់សហព័ន្ធក្នុងពហុកីឡដ្ឋានជាតិអូឡាំពិកកម្ពុជា។
ការប្រកួតជ្រើសរើសជើងឯកថ្នាក់ជាតិ ឆ្នាំ២០២៤ នេះរៀបចំដោយសហព័ន្ធកីឡាកាយសម្ព័ន្ធកម្ពុជាក្រោមការប្រើប្រាស់ថវិកាឧបត្ថម្ភប្រចាំឆ្នាំរបស់ក្រសួងអប់រំ យុវជន និងកីឡា ។ ការប្រកួតនេះដោយក្រុមមកពីខេត្ត និងក្រសួងចំនួន៤ សរុបកីឡាករ-កីឡាការិនីចំនួន ៦៤ នាក់។ ចំណែកវិញ្ញាសា មានចំនួន១៣ ហើយអ្វីដែលគួរកត់សម្គាល់នោះ គឺឆ្នាំនេះផ្ដោតខ្លាំងលើយុវជនពីចន្លោះអាយុក្រោម១១ និង១២ឆ្នាំ៕
ដោយ៖លី ភីលីព
