ភ្នំពេញ ៖ ក្រុមកីឡាករ-កីឡាការិនីហែលទឹក ក្រសួងសេដ្ឋកិច្ច និង ហិរញ្ញវត្ថុដណ្តើមបានមេដាយ ១៤ គ្រឿងគិតត្រឹមថ្ងៃ ទី២៧ ខែធ្នូ ឆ្នាំ២០២៤នៃការប្រកួតកីឡាហែលទឹក និងហែលទឹកពាក់ជើងទាជ្រើសរើស ជើងឯកថ្នាក់ជាតិ ឆ្នាំ២០២៤ ដែលប្រព្រឹត្តិទៅនាថ្ងៃទី ២៦ ដល់ថ្ងៃទី ២៨ ខែឆ្នូ ឆ្នាំ២០២៤ នៅអាងហែលទឹក ក្នុងពហុកីឡដ្ឋានជាតិ ។
ក្រុមកីឡាករ-កីឡាការិនីហែលទឹក ក្រសួងសេដ្ឋកិច្ច និងហិរញ្ញវត្ថុ ដណ្តើមបានមេដាយមាស ៦ គ្រឿង មេដាយប្រាក់ ២ គ្រឿង និងមេដាយសំរិទ្ធ ៦ គ្រឿង ក្រុមកីឡាករ-កីឡាការិនីហែលទឹក ក្រសួងមហាផ្ទៃ ដណ្តើមបានមេដាយមាស ៤គ្រឿង មេដាយប្រាក់ ៤ គ្រឿង និងមេដាយសំរិទ្ធ ៣ គ្រឿង និងក្រុមកីឡាករ-កីឡាការិនីហែលទឹក ក្រសួងសាធារណការ និងដឹកនជញ្ជូន ដណ្តើមបានមេដាយមាស ៣ គ្រឿង មេដាយប្រាក់ ៣ គ្រឿង និងមេដាយសំរិទ្ធ ៣ គ្រឿង ។
ចំណែកក្រុមកីឡាករ-កីឡាការិនីហែលទឹក ក្រសួងព័ត៌មាន ដណ្តើមបានមេដាយមាស ២ គ្រឿង និងមេដាយប្រាក់ ២ គ្រឿង ក្រុមកីឡាករ-កីឡាការិនីហែលទឹក សមាគមកងយោធពលខេមរភូមិន្ទ ដណ្តើមបានមេដាយមាស ១ គ្រឿង មេដាយប្រាក់ ៤ គ្រឿង និងមេដាយសំរិទ្ធ ២ គ្រឿង ក្រុមកីឡាករ-កីឡាការិនីហែលទឹក ខេត្តបាត់ដំបងដណ្តើមបាន មេដាយប្រាក់ ១ គ្រឿង និងមេដាយសំរិទ្ធ ១ គ្រឿង និងក្រុមកីឡាករ-កីឡាការិនីហែលទឹក ព្រឹទ្ធចារ្យ ហែម ថុន ដណ្តើមបានមេដាយសំរិទ្ធ ១ គ្រឿង ៕
ដោយ៖លី ភីលីព
