យោងតាមការចេញផ្សាយរបស់ The Goal បានឲ្យដឹងថា នៅក្រោយជ័យជំនះ ប្រកួតចុងក្រោយប្រចាំឆ្នាំ២០២៤ ក្រុមកាំភ្លើងធំនិងគ្រូបង្វឹកលោក Mikel Arteta បានចេញមកធ្វើការអាប់ដេត ព័ត៌មានចុងក្រោយ អំពីបញ្ហាស្ថានភាពរបស់កីឡាករ Kai Havertz។
កីឡាករខ្សែបម្រើអន្តរជាតិអាល្លឺម៉ង់រូបនេះ កំពុងមានបញ្ហារបួស ហើយព្រមទាំងខកខាន ការប្រកួតប៉ះនឹងក្រុម Brentford កាលពីថ្ងៃពុធផងដែរ ប៉ុន្តែគ្រូបង្វឹកលោក Arteta ជឿជាក់ថាកីឡាករវ័យ២៤ឆ្នាំរូបនេះ នឹងអាចវិលត្រឡប់វិញ ទាន់ដើមឆ្នាំ២០២៥នេះ។
ជ័យជំនះ៣ទល់នឹង១លើក្រុម Brentford បានធ្វើឲ្យ Arsenal អាចឡើងទៅឈរនៅកំពូល តារាងលេខ២ បណ្តោះអាសន្ន តាមពីក្រោយក្រុមកំពុងឡើងជើង Liverpool ។
លោក Arteta បាននិយាយថា ៖ ខ្ញុំសង្ឃឹមថា គាត់នឹងអាចជាសះស្បើយ បានឆាប់រហ័ស មុនពេលប្រកួតសំខាន់ៗ ដូចជាការប៉ះនឹងក្រុម Brighton ផង៕
ប្រែសម្រួល៖ស៊ុនលី
