អតីតកីឡាករជម្រើសជាតិ វៀតណាម ត្រូវចាប់ខ្លួនពីបទវាយផ្ទៃមុខ អាជ្ញាកណ្ដាល នៅទីក្រុងហូជីមិញ

វៀតណាម ៖ យោងតាមការ ចេញផ្សាយពីគេហទំព័រ VN Express បានប្រាប់ឲ្យដឹងថា លោក Le Sy Manh អាយុ ៤១ ឆ្នាំ ជាអតីតកីឡាករបាល់ទាត់ និងជាកីឡាករស្ថិតក្នុងក្រុម បាល់ទាត់ជម្រើសជាតិវៀតណាម ត្រូវបានចាប់ខ្លួនពីបទរំលោភលើអាជ្ញាកណ្តាល ក្នុងការប្រកួតកីឡាបាល់ទាត់ស្ម័គ្រចិត្តនៅទីក្រុងហូជីមិញ។

ប៉ូលីសស្រុក Tan Binh នៃនៅទីក្រុងហូជីមិញបានឃុំខ្លួនលោក Manh កាលពីថ្ងៃព្រហស្បតិ៍ ដើម្បីស៊ើបអង្កេតការចោទប្រកាន់ពីបទរំខាន សណ្តាប់ធ្នាប់សាធារណៈ។ ការចាប់ខ្លួននេះបានធ្វើឡើង បន្ទាប់ពីមានការផ្ទុះកំហឹងជាសាធារណៈមួយសប្តាហ៍ បន្ទាប់ពីវីដេអូនៃការវាយដំដែលបានកើតឡើងក្នុងអំឡុង ពេលការប្រកួតកាលពីថ្ងៃទី ២២ ខែធ្នូ ត្រូវបានចែកចាយយ៉ាងទូលំទូលាយ តាមប្រព័ន្ធអ៊ីនធើណេត និងតាមប្រព័ន្ធផ្សព្វផ្សាយ។ ឧបទ្ទវហេតុនេះបានទាក់ទាញមតិរាប់ពាន់នាក់ ថ្កោលទោសសកម្មភាពរបស់លោក Manh ។

អាជ្ញាធរបានបញ្ជាក់ថា ការចាប់ខ្លួននេះឆ្លុះបញ្ចាំងពីការប្ដេជ្ញាចិត្ត របស់នាយកដ្ឋាននគរបាលក្រុងហូជីមិញ ក្នុងការដោះស្រាយយ៉ាងម៉ឺងម៉ាត់នូវទង្វើដែលមិនគោរពច្បាប់ ដោយសារជម្លោះតូចតាចក្នុងអំឡុងការប្រកួតកីឡា ពិធីបុណ្យ និង ចរាចរណ៍។ ក្នុងអំឡុងពេលប្រកួត លោក Manh ទទួលបានកាតលឿង ដោយសារកែងដៃខ្សែការពារប្រឆាំងម្នាក់ចំទ្រូង។

បន្ទាប់មក លោកបានប្រឈមមុខ នឹងអាជ្ញាកណ្តាល លោក Pham Van Nguyen ហើយបានវាយមុខលោក ដែលនាំឲ្យលោកទទួលបានកាតលឿងទី២។ ដោយខឹង Manh បានទាត់អាជ្ញាកណ្តាលចំត្រគាក និងដាល់ចំមុខ។ នៅពេលដែល Nguyen ព្យាយាមរត់គេច Manh បានដេញតាមគាត់ ហើយបន្តគប់ បើទោះបីជាមានការអន្តរាគមន៍ពីមិត្តរួមក្រុម និងសន្តិសុខក៏ដោយ ។

យោងតាមអាជ្ញាកណ្តាល Nguyen បាននិយាយថា លោក Manh ត្រូវបានគេព្រមានឲ្យឈប់ឈ្លោះជាមួយកីឡាករគូប្រកួត ប៉ុន្តែមិនអើពើនឹងការប្រុងប្រយ័ត្ន ហើយបានកែងដៃគាត់ បណ្តាលឲ្យមានកាតលឿង។ លោក Nguyen បាននិយាយបន្ទាប់ពីឧប្បត្តិហេតុថា ខ្ញុំត្រូវបានរារាំងដោយការវាយប្រហារ ប៉ុន្តែអាចគេចបាន និងជៀសវាងការរងរបួសធ្ងន់ធ្ងរ។ ខ្ញុំមិនមានគម្រោងប្តឹងលោក Manh ទេ ប៉ុន្តែខ្ញុំជឿជាក់ថា អ្នករៀបចំការប្រកួតនឹងចាត់វិធានការសមស្រប ៕