ខេត្តកណ្តាល៖ ការប្រកួតនាថ្ងៃទី៤ ខែមករា ឆ្នាំ២០២៥ បានរកឃើញក្រុមជើងខ្លាំង ៤ ក្រុមបន្ថែមទៀតហើយ ត្រូវឡើងវគ្គបន្តក្នុងព្រឹត្តិការណ៍ការប្រកួតកីឡាតង់ និងកីឡាបាល់ទាត់ ខេត្តកណ្តាល អបអរសាទរខួបអនុស្សាវរីយ៍លើកទី៤៦ ទិវាជ័យជម្នះ ៧ មករា ឆ្នាំ១៩៧៩ -៧មករា ឆ្នាំ២០២ តាមផែនការប្រតិបត្តិ ប្រចាំឆ្នាំរបស់មន្ទីរអប់រំ យុវជន និងកីឡា ខេត្តកណ្ដាល ។
ក្រុមបាល់ទាត់ យុវជនជ្រោយមេត្រី បានយកឈ្នះលើក្រុមបាល់ទាត់ ពពកសក្នុងលទ្ធផលបច្ចេកទេស ៤ ទល់នឹង ៣ ក្រុមបាល់ទាត់ ស.ស.យ.កសង្កាត់តាក្លុល បានចាញ់ក្រុមថ្វីជើង ក្រុមបាល់ទាត់ យុវជនវត្តសិរីបន្ទាយដែក ក្នុងលទ្ធផលបច្ចេកទេស ០ ទល់នឹង ២ ក្រុមបាល់ទាត់ យុវជនអាយុ១៨ឆ្នាំជ័យវរន័្មទី៧ ក៏ចាញ់ក្រុមថ្វីជើង ក្រុមបាល់ទាត់ មន្ទីរបណ្តុះបណ្តាលវិជ្ជាជីវៈ ក្នុងលទ្ធផលបច្ចេកទេស ០ ទល់នឹង ៧ និងក្រុមបាល់ទាត់ យុវជនព្រែកត្នោត ឈ្នះក្រុមបាល់ទាត់ យុវជនស្រុកកណ្តាលស្ទឹង ក្នុងលទ្ធផលបច្ចេកទេស ៥ ទល់នឹង ។
ការប្រកួតកីឡាប៉េតង់ និងកីឡា បាល់ទាត់ អបអរសាទររូបអនុស្សាវរីយ៍លើកទី៤៦ ទិវាជ័យជម្នះ ៧មករា ១៩៧៩-៧មករា ឆ្នាំ២០២៥ ដែលប្រព្រឹត្តិចាប់ពីថ្ងៃទី៣ រហូតដល់ថ្ងៃទី ៨ ខែ មករា ឆ្នាំ២០២៥ លើកីឡា ២ ប្រភេទ កីឡាបាល់ទាត់ និងប៉េតង់ ។
ចំពោះវិញ្ញាសាកីឡាបាល់ទាត់វ័យចាស់មាន ១៦ ក្រុម (ចំពោះអាយុយោងតាមបទបញ្ជាបច្ចេកទេសនៃការប្រកួត) មាន ១៦ ក្រុម ដោយប្រើរូបមន្ត ប្រកួតចាញ់ធ្លាក់ដែលធ្វើការប្រកួតជាផ្លូវការពហុកីឡដ្ឋាន ខេត្តកណ្តាលចាប់ថ្ងៃពីទី៣តទៅ រួមមានក្រុមបាល់ទាត់ ចំណីគោតួនរី ក្រុមបាល់ទាត់ ME FC ក្រុមបាល់ទាត់ ស្រុកមុខកំពូល ក្រុមបាល់ទាត់ ព្រះនរាយ៍ FC ក្រុមបាល់ទាត់ តាខ្មៅស្រុកយើង ក្រុមបាល់ទាត់ មហាមិត្តក្រុងតាខ្មៅ ក្រុមបាល់ទាត់ វិទ្យាល័យជ័យវរន័្មទី៧ ក្រុមបាល់ទាត់ SCV FC និងក្រុមបាល់ទាត់ យុវជនជ្រោយមេត្រី ។
ក្រុមបាល់ទាត់ ពពកស ក្រុមបាល់ទាត់ យុវជនវត្តសិរីបន្ទាយដែក ក្រុមបាល់ទាត់ ស.ស.យ.កសង្កាត់តាក្លុល ក្រុមបាល់ទាត់ យុវជនអាយុ១៨ឆ្នាំជ័យវរន័្មទី៧ ក្រុមបាល់ទាត់ មន្ទីរបណ្តុះបណ្តាលវិជ្ជាជីវៈ ក្រុមបាល់ទាត់ យុវជនព្រែកត្នោត និងក្រុមបាល់ទាត់ យុវជនស្រុកកណ្តាលស្ទឹង ។
លោកបានបន្តថា ចំណែកកីឡាប៉េតង់មាន ៣ វិញ្ញាសា ។ វិញ្ញាសាយុវជន វិញ្ញាសា ៣ នាក់ ទល់ ៣ នាក់ និងវិញ្ញាសា វាយយកពិន្ទុ រីឯ វិញ្ញាសានារី វិញ្ញាសា ៣ នាក់ ទល់ ៣ នាក់ និងវិញ្ញាសា វាយយកពិន្ទុ និង វិញ្ញាសាវ័យចាស់ វិញ្ញាសា ៣ នាក់ ទល់ ៣ នាក់ និងវិញ្ញាសា វាយយកពិន្ទុ៕
ដោយ៖ លី ភីលីព
