ខេត្តកណ្តាល៖ លោក ចេង សំអ៊ុល ប្រធានមន្ទីរ អប់រំយុវជន និងកីឡាខេត្តកណ្តាល នាថ្ងៃទី៧ ខែមករា ឆ្នាំ២០២៥ បានអញ្ជើញចូលរួមពិធីបិទការប្រកួតកីឡាប៉េតង់ក្នុងព្រឹត្តិការណ៍ការប្រកួតកីឡាតង់ និងកីឡាបាល់ទាត់ ខេត្តកណ្តាល អបអរសាទរខួបអនុស្សាវរីយ៍លើកទី៤៦ ទិវាជ័យជម្នះ ៧ មករា ឆ្នាំ១៩៧៩ -៧មករា ឆ្នាំ២០២ តាមផែនការប្រតិបត្តិ ប្រចាំឆ្នាំរបស់មន្ទីរអប់រំ យុវជន និងកីឡា ខេត្តកណ្ដាល ។
លោក ពៅ វណ្ណា ប្រធានការិយាល័យកីឡានៃមន្ទីរ អប់រំយុវជន និងកីឡាខេត្តកណ្តាលបាននិយាយថា ការប្រកួតកីឡាប៉េតង់ និងកីឡា បាល់ទាត់ អបអរសាទររូបអនុស្សាវរីយ៍លើកទី៤៦ ទិវាជ័យជម្នះ ៧មករា ១៩៧៩-៧មករា ឆ្នាំ២០២៥ ដែលប្រព្រឹត្តិចាប់ពីថ្ងៃទី៣ រហូតដល់ថ្ងៃទី ៨ ខែ មករា ឆ្នាំ២០២៥ លើកីឡា ២ ប្រភេទ កីឡាបាល់ទាត់ និងប៉េតង់ ។
កីឡាប៉េតង់មាន៤០ក្រុមក្នុងនោះក្រុមវ័យចាស់ ៣០ ក្រុម យុវជន ៦ ក្រុម និងនារី ៤ ក្រុម មាន ៣ វិញ្ញាសា ។ វិញ្ញាសាយុវជន វិញ្ញាសា ៣ នាក់ ទល់ ៣ នាក់ និងវិញ្ញាសា វាយយកពិន្ទុ រីឯ វិញ្ញាសានារី វិញ្ញាសា ៣ នាក់ ទល់ ៣ នាក់ និងវិញ្ញាសា វាយយកពិន្ទុ និង វិញ្ញាសាវ័យចាស់ វិញ្ញាសា ៣ នាក់ ទល់ ៣ នាក់ និងវិញ្ញាសា វាយយកពិន្ទុ។
វិញ្ញាសាវាយយកពិន្ទុយុវជន៖មេដាយមាសបានទៅលើកីឡាករ សុខ តុលា ក្លិបប៉េតង់កំពង់សំណាញ់១ មេដាយប្រាក់បានទៅលើកីឡាករ ម៉ៅ វិបុល ក្លិបកីឡាប៉េតង់ វិទ្យាល័យហ៊ុន សែន តាខ្មៅ និងមេដាយសំរិទ្ធបានទៅលើកីឡាករ ភាព វ៉ាឃីម ក្លិបកីឡាប៉េតង់ ស.ស.យ.កខេត្ត ។ វិញ្ញាសា៣ទល់៣នាក់ យុវជន៖មេដាយមាសបានទៅលើក្លិបប៉េតង់កំពង់សំណាញ់១ មេដាយប្រាក់បានទៅលើក្លិបកីឡាប៉េតង់កំពង់សំណាញ់២ និងមេដាយសំរិទ្ធបានទៅលើ ក្លិបកីឡាប៉េតង់ រដ្ឋបាលក្រុងតាខ្មៅ ។
ចំណែក វិញ្ញាសាវាយយកពិន្ទុនារី៖មេដាយមាសបានទៅលើកីឡាការិនី សុខ ចាន់រស្មី ក្លិបប៉េតង់ វិទ្យាល័យហ៊ុន សែន តាខ្មៅ១ មេដាយប្រាក់បានទៅលើកីឡាការិនី មុន្នី រចនា ក្លិបកីឡាប៉េតង់ វិទ្យាល័យហ៊ុន សែន តាខ្មៅ២ និងមេដាយសំរិទ្ធបានទៅលើកីឡាការិនី ពៅ ច័ន្ទសុភត្រា ក្លិបកីឡាប៉េតង់ ស.ស.យ.ក ខេត្ត ។ វិញ្ញាសា ៣ ទល់ ៣ នាក់ យុវជន៖មេដាយមាសបានទៅលើក្លិបប៉េតង់វិទ្យាល័យហ៊ុន សែន តាខ្មៅ២ មេដាយប្រាក់បានទៅលើក្លិបកីឡាប៉េតង់ស.ស.យ.ក ខេត្ត និងមេដាយសំរិទ្ធបានទៅលើ ក្លិបកីឡាប៉េតង់ វិទ្យាល័យហ៊ុន សែន តាខ្មៅ១ ។
វិញ្ញាសាវាយយកពិន្ទុវ័យចាស់៖មេដាយមាសបានទៅលើកីឡាករ ស្តើង វិន ក្លិបប៉េតង់ដំរីស មេដាយប្រាក់បានទៅលើកីឡាករ សៀង សារ៉ន ក្លិបកីឡាប៉េតង់ នាគរាជ និងមេដាយសំរិទ្ធបានទៅលើកីឡាករ សា វណ្ណដា ក្លិបកីឡាប៉េតង់ មន្ទីរអយកខេត្ត និងកីឡាករ រី ធារ៉ា ក្លិបកីឡាប៉េតង់កំពង់សំណាញ់១ ។ វិញ្ញាសា៣ទល់៣នាក់វ័យចាស់៖មេដាយមាសបានទៅលើក្លិបប៉េតង់អយកស្រុងស្អាង មេដាយប្រាក់បានទៅលើក្លិបកីឡាប៉េតង់ មន្ទីរអយកខេត្ត និងមេដាយសំរិទ្ធបានទៅលើ ក្លិបកីឡាប៉េតង់ កងអន្តរាគមន៍ ជើងទឹក៕
ដោយ៖ លី ភីលីព
