Endrick Felipe Moreira de Sousa ឬត្រូវបានគេហៅ Endrick យុវជនវ័យ១៨ឆ្នាំ របស់ក្លិបយក្សអេស្ប៉ាញ Real Madrid រកបាន២គ្រាប់ ដើម្បីជួយឲ្យក្រុមរបស់ខ្លួនយកឈ្នះទៅលើ Celta Vigo ៥-២ វគ្គ១៦ក្រុមចុងក្រោយក្នុងការប្រកួត Copa Del Rey កាលពីព្រឹកថ្ងៃទី១៧ ខែមករា ឆ្នាំ២០២៥។
ក្រោយពេលបញ្ចប់ការ ប្រកួត Endrick ត្រូវបានអ្នកកាសែតបានធ្វើការ សាកសួរពីអារម្មណ៍របស់ខ្លួន នៅជុំវិញការប្រកួត និងមូលហេតុនៃការមិនព្រមចាកចេញពីក្រុមស្ដេចស បើទោះមានការខ្ចីជើងយ៉ាងណាក៏ដោយ ។ ក្នុងការបទសម្ភាសន៍ នោះគេបានបញ្ជាក់ថា ការប្រកួតនេះគេពិតជាសប្បាយចិត្ត ដែលអាចជួយក្រុមឲ្យឈ្នះការប្រកួត ហើយសម្រាប់អារម្មណ៍របស់គេចំពោះក្លិបគឺមិនចង់ សូម្បីតែគិតពីរឿងមានគំនិតចង់ចាកចេញទៅណាទាំងអស់បើទោះក្នុងលក្ខខណ្ឌខ្ចីជើងក៏ដោយ។ គេស្រលាញ់ក្លិប ស្រលាញ់ Real Madrid ស្រលាញ់ទឹកដីអេស្ប៉ាញមួយនេះ ហើយក៏ស្រលាញ់អ្នកគាំទ្ររបស់ Real Madrid ផងដែរ ។
សូមបញ្ជាក់ថា ជុំវិញការផ្ទេររបស់ Endrick កន្លងមកមានចចាមអារ៉ាមច្រើនមែនទែនជុំវិញការផ្ទេរ ទៅកាន់ក្លិបនេះឬក្លិបនោះ ប៉ុន្តែក្រោយមក Real Madrid បានធ្វើការជជែកពីការសម្រេចចិត្តមួយ របស់ Endrick ដោយផ្ទាល់ ហើយគិតមកដល់ពេលនេះ នៅតែមិនទាន់មានព័ត៌មានច្បាស់ការណាមួយដែលថា ខ្សែប្រយុទ្ធវ័យ១៨ឆ្នាំ នឹងត្រូវផ្ទេរទៅណា ប៉ុន្តែបើតាមចិត្ត របស់ស្ដេចសគេមិនព្រមលក់ទេ គ្រាន់តែចង់បញ្ចេញលក្ខណៈខ្ចីជើង ដើម្បីឲ្យយុវជនរូបនេះមានឱកាសបានលេងច្រើនជាងនៅ Real Madrid តែប៉ុណ្ណោះ ៕
