ក្លឹបបាល់ទាត់វៀតណាម ស្ថិតក្នុងចំណោមក្លឹបបាល់ទាត់មិនស្គាល់ចាញ់ទាំង ១៣ លើពិភពលោកក្នុងរដូវកាលនេះ

វៀតណាម៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា ក្លឹបបាល់ទាត់ Hong Linh Ha Tinh FC របស់វៀតណាមជាក្លឹបបាល់ទាត់មួយនេះក្នុងចំណោមក្លឹបបាល់ទាត់ចំនួន១៣ នៅលើពិភពលោកមិនស្គាល់ចាញ់ក្នុងការប្រកួតជើងឯកថ្នាក់ជាតិរៀងៗខ្លួន សម្រាប់រដូវកាល ២០២៤ -២០២៥ ។

យោងតាមស្ថិតិបច្ចុប្បន្ន បាននិយាយថា ក្លឹបមិនស្គាល់ចាញ់ទាំងនេះ រួមមានក្លឹបយក្សនៅអឺរ៉ុប PSG (បារាំង) និង ក្លឹបក្លឹប Juventus (អ៊ីតាលី) មកពីលីគកំពូលទាំង៥ (អង់គ្លេស អាល្លឺម៉ង់ បារាំង អ៊ីតាលី អេស្ប៉ាញ) រួមជាមួយនឹងក្លឹបមកពីលីគកម្រិតមធ្យម និងទាបទូទាំងពិភពលោក។

សម្រាប់ការប្រកួតលីគ V. League 2024-2025 នេះ ក្លឹបបាល់ទាត់ Hong Linh Ha Tinh (HLHT) បានឆ្លងកាត់ ១០ ប្រកួតដោយមិនចាញ់ ដោយកត់ត្រាឈ្នះ ៣ ប្រកួត និងស្មើ ៧ ប្រកួត ។ ក្រោមការដឹកនាំដោយគ្រូបង្វឹក Nguyen Thanh Cong ក្រុមបច្ចុប្បន្នកំពុងឈរនៅលេខរៀងទី៥ លើតារាងដោយមាន ១៦ ពិន្ទុតាមពីក្រោយក្រុម Thanh Hoa FC ចំនួន ៦ ពិន្ទុ ទោះបីជា HLHT លេងតិចជាងមួយប្រកួតក៏ដោយ។

ការប្រកួតមិនដែលចាញ់របស់ HLHT បានធ្វើឲ្យមនុស្សជាច្រើនមានការភ្ញាក់ផ្អើល ដោយសារតែក្រុមបានប្រឈមមុខនឹងការកាត់ចោលក្នុងរដូវកាលថ្មីៗនេះ ហើយមិនត្រូវបានគេចាត់ទុកជាក្រុមខ្លាំងដូច Hanoi FC, Cong An Ha Noi ឬ Nam Dinh FC នោះទេ។

ការប្រកួតបន្ទាប់របស់ពួកគេគ្រោងធ្វើនៅថ្ងៃទី ២៤ ខែមករា ពួកគេនឹងទទួលក្រុម Hai Phong FC ក្នុងជុំទី ១១ នៃក្របខណ្ឌ V. League ។ ក្រុមចំនួន ១៣ មិនស្គាល់ចាញ់នៃការប្រកួតជើងឯកជាតិរបស់ពួកគេក្នុងរដូវកាលនេះ៖
១. Red Star Belgrade (ស៊ែប៊ី)៖ ឈ្នះ១៩, ស្មើ១ (មាន ៧១ គ្រាប់,របូត ១២ គ្រាប់)
២. Ludogorets (ប៊ុលហ្គារី)៖ ឈ្នះ១៧, ស្មើ២ (មាន ៤៣គ្រាប់ និងរបូត ៦ គ្រាប់)
៣. Galatasaray (ទួរគី): ឈ្នះ ១៦, ស្មើ៣ (មាន ៥២ គ្រាប់,របូត ២២ របូតវិញ)
៤. Johor Darul Ta’zim (ម៉ាឡេស៊ី)៖ ឈ្នះ១៦,ស្មើ១ (មាន ៦៣ គ្រាប់, របូត ៧ គ្រាប់)
៥. Shan United (មីយ៉ាន់ម៉ា)៖ឈ្នះ ១៥, ស្មើ១ (មាន ៤៥គ្រាប់,របូត១១ គ្រាប់)
៦. PSG (បារាំង)៖ W14, D4 (៤៨គ្រាប់, ១៦គ្រាប់)
៧. Lincoln FC (Gibraltar): ឈ្នះ ១៤, ស្មើ២ (មាន ៥០គ្រាប់, របូត៤គ្រាប់)
៨.ក្លឹបភ្នំពេញក្រោន (កម្ពុជា)៖ ឈ្នះ១៤ ,ស្មើ២ (មាន ៦០គ្រាប់ ,របូត១៧គ្រាប់)
៩. ST Joseph’s FC (Gibraltar): ឈ្នះ១៤, ស្មើ២ (មាន ៤១ គ្រាប់, របូត ១១ គ្រាប់)
១០. Dynamo Kyiv (អ៊ុយក្រែន): ឈ្នះ១៣, ស្មើ៤ (មាន ៣៧ គ្រាប់, របូត១គ្រាប់)
១១. La Fiorita (San Marino):ឈ្នះ១១,ស្មើ៥ (មាន ៣៧ គ្រាប់, របូត១៣គ្រាប់)
១២. Juventus (អ៊ីតាលី)៖ឈ្មះ ៨, ស្មើ១៣ (មាន ៣៤គ្រាប់, របូត ១៧គ្រាប់)
១៣. Hong Linh Ha Tinh (វៀតណាម)៖ឈ្នះ៣,ស្មើ៧ (មាន ១០គ្រាប់,របូត ៦គ្រាប់)៕