The Goal ចេញផ្សាយនៅថ្ងៃនេះបានឲ្យដឹងថា គ្រូបង្វឹកលោក Jose Mourinho បានបង្ហាញអំពីផែនការចង់ បានកីឡាករអ្នកចាំទីឆ្នើមប្រេស៊ីលម្នាក់ ដែលកំពុងលេងនៅលីគកំពូល អង់គ្លេសមកចូល រួមក្លឹបនៅតួគី។
លោក Mourinho កំពុងតែធ្វើការទាក់ទង ដើម្បីសុំចរចាកីឡាករ Ederson ដែលកំពុងលេងឲ្យ Man City ដើម្បីមកចូលរួមក្លឹប Fenerbahce ដែលគាត់កំពុងដឹកនាំទោះ បានដឹងហើយថាក្លឹប Galatasaray ក៏កំពុងចង់បានអ្នកចាំ ទីនេះដូចគ្នាដែរ ។
យ៉ាងណាក្តីគេជឿជាក់ថា ការចរចាផ្ទេរ និង ការផ្ទេរនឹងអាចធ្វើឡើង រហូតដល់រដូវកាលក្រោយ ដែលគ្រប់គ្នា ជឿជាក់ថាវាជាវេលាចុងក្រោយដែល Ederson នឹងត្រូវចាកចេញក្រោយ បានបន្តរស់នៅជាមួយនឹង ក្លឹបនេះអស់រយៈពេល៨ឆ្នាំ កន្លងមកហើយនោះ៕
ប្រែសម្រួល៖ស៊ុនលី
