The Goal ចេញផ្សាយនៅថ្ងៃនេះ បានឲ្យដឹងថាក្លឹបធំៗ នៅអង់គ្លេសចំនួន៤ បានបង្ហាញចំណាប់អារម្មណ៍ និងខ្លះទៀតបានបញ្ជូនទាំងភ្នាក់ងារតាមដាន កីឡាករទៅដល់តួគីផង ដើម្បីតាមដានជើងកីឡាករ ឆ្នើមម្នាក់ដែលកំពុងលេងនៅលីគ កំពូលនៅទីនោះ។
ក្លឹប Aston Villa, Nottingham Forest, West Ham និងNewcastle ផងសុទ្ធតែបានបង្ហាញ ចំណាប់អារម្មណ៍ ជាមួយនឹងកិឡាករ Baris Alper Yilmas ដែលកំពុងលេងឲ្យក្លឹប Galatasaray។
ក្លឹបទាំងនោះសង្ឃឹមថា នឹងអាចចរចានាំយកកីឡាកររូបនេះ មកអង់គ្លេសនៅរដូវកាលក្រោយទោះបី ជាបានដឹងហើយថា កុងត្រារបស់គាត់នឹង មានរហូត ទៅដល់ឆ្នាំ២០២៧ក្តី។
កីឡាករសញ្ជាតិតួគីវ័យ២៤ឆ្នារូបនេះ បានបង្ហាញទំរង់លេងល្អខ្លាំងណាស់ នៅរដូវកាលនេះដោយអាចស៊ុតបញ្ចូលទីបាន១០គ្រាប់មកហើយក្នុងការបង្ហាញ ខ្លួនទាំង២៧លើក កន្លងមកឲ្យក្រុម៕
ប្រែសម្រួល៖ស៊ុនលី
