អារ៉ាប៊ីសាអូឌីត៖យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា ដោយមានការគាំទ្រពីគ្រួសាររាជវង្សអារ៉ាប៊ីសាអូឌីត កីឡាករបាល់ទាត់ឆ្នើមកម្រិតពិភពលោក លោក Cristiano Ronaldo អាចទិញក្លឹប La Liga Valencia CF ពីមហាសេដ្ឋីសិង្ហបុរី Peter Lim ប៉ុន្តែស្ថិតក្រោមលក្ខខណ្ឌសំខាន់មួយ។
លោក Ronaldo បានចំណាយពេល ៩ ឆ្នាំនៅ La Liga ដោយស៊ុតបញ្ចូលទីបាន ៤៥០ គ្រាប់ក្នុងការបង្ហាញខ្លួន ៤៣៨ ឲ្យ Real Madrid មុនពេលចាកចេញនៅឆ្នាំ ២០១៨ ។ ជិត៧ឆ្នាំក្រោយមក ខ្សែប្រយុទ្ធវ័យ ៤០ ឆ្នាំរូបនេះត្រូវបានគេរាយការណ៍ថា កំពុងសម្លឹងមើលការវិលត្រឡប់ទៅកាន់ប្រទេសអេស្ប៉ាញវិញ ដោយលើកនេះជាម្ចាស់ក្លឹប Valencia ។
យោងតាម Mundo Deportivo បាននិយាយថា ទំនាក់ទំនងជិតស្និទ្ធរបស់លោក Ronaldo ជាមួយម្ចាស់បច្ចុប្បន្នរបស់ Valencia គឺមហាសេដ្ឋីសិង្ហបុរី Peter Lim បានជំរុញឥ្យមានពាក្យចចាមអារ៉ាមទាំងនេះ។ លោក Ronaldo អាចទទួលបានការគាំទ្រផ្នែកហិរញ្ញវត្ថុពីគ្រួសាររាជវង្សអារ៉ាប៊ីសាអូឌីត ជាពិសេសពីព្រះអង្គម្ចាស់ Mohammed bin Salman (MBS) ឬមូលនិធិវិនិយោគសាធារណៈរបស់ប្រទេស។ ទោះជាយ៉ាងណាក៏ដោយ កិច្ចព្រមព្រៀងនឹងអាស្រ័យលើ Valencia ជៀសវាងការកាត់ចោលនៅរដូវកាលនេះ។ បច្ចុប្បន្នក្លឹបកំពុងឈរនៅលេខរៀងទី ១៥ ក្នុង La Liga ដោយមាន ៣៤ ពិន្ទុដាច់ពីក្រុមកាត់ចោលចំនួន ៧ ពិន្ទុ ដោយនៅសល់ ៨ ប្រកួតទៀតដែលត្រូវលេង។
ចាប់តាំងពីចូលរួមជាមួយ Al Nassr ដើម្បីទទួលបានប្រាក់បៀវត្សរ៍បំបែកកំណត់ត្រា ២០០ លានដុល្លារនៅចុងឆ្នាំ ២០២២ Ronaldo បានក្លាយជាមុខមាត់របស់កីឡាអារ៉ាប៊ីសាអូឌីត ដោយចូលរួមក្នុងព្រឹត្តិការណ៍ប្រដាល់ធំៗ និង UFC ជាទៀងទាត់។ ទំនាក់ទំនងជិតស្និទ្ធរបស់គាត់ជាមួយ MBS និងឥទ្ធិពលសកលលោកដ៏ធំធេងបានប្រែក្លាយលោកទៅជារូបតំណាងថ្មីនៃកីឡាអារ៉ាប៊ីសាអូឌីត។
ទោះជាយ៉ាងណាក៏ដោយ Lim បានប្រាប់ប្រព័ន្ធផ្សព្វផ្សាយសិង្ហបុរីកាលពីខែមុនថា លោកគ្មានចេតនាលក់បបាល់ទាត់ Valencia ទេ។ នៅឆ្នាំ ២០២៣ ទស្សនាវដ្ដី Forbes បានវាយតម្លៃថា ក្លិបបាល់ទាត់ Valencia មានតម្លៃ ២១៧លានដុល្លារ ដោយរាប់បញ្ចូលទាំងប្រាក់ចំណូលប្រចាំថ្ងៃ សិទ្ធិផ្សាយ សកម្មភាពពាណិជ្ជកម្ម តម្លៃម៉ាក ប្រាក់ចំណូលប្រតិបត្តិការ បំណុល និងបំណុលពហុកីឡដ្ឋាន។
ទន្ទឹមនឹងនេះ Ronaldo រកបាន ២៦០ លានដុល្លារក្នុងឆ្នាំ ២០២៤ តែម្នាក់ឯងជាមួយនឹង ២០០ លានដុល្លារពីប្រាក់ខែ Al Nassr របស់លោក និង ៦០ លានដុល្លារពីការយល់ព្រម រួមទាំងការផ្សាយពាណិជ្ជកម្មដ៏ល្បីនៅលើ Instagram របស់លោកដែលមានអ្នកគាំទ្រជាង ៦៥០ លាននាក់៕
