ក្រុមអ្នកមានបុណ្យ Barcelona យប់មិញនេះអាចយកឈ្នះការប្រកួតជើងទី១ប៉ះនឹងក្រុម Dortmund ដោយមិនឲ្យរបូតគ្រាប់បាល់មកវិញនោះទេក្នុងលទ្ធផល៤ទល់នឹង០។
ការប្រកួតជើងទី១លើកនេះកីឡាករខ្សែប្រយុទ្ធ Lewandowski ដែលធ្លាប់ជាកូនក្រុមរបស់ Dortmund នោះគឺព្យាយាមលេងបាល់ដោយមិនទុកមុខឲ្យក្រុមចាស់ឡើយហើយអាចស៊ុតបានទៅដល់២គ្រាប់ម្នាក់ឯង។
គ្រាប់បាល់ទាំង៤គ្រាប់របស់ Barcelona កើតឡើងនៅនាទីទី២៥ដំបូងដោយ Raphinha និងបន្តបន្ទាប់ដោយ Lewandowski នាទីទី៤៨និង៦០ហើយចុងក្រោយដោយ Yamal នាទីទី៧៧។
គួរឲ្យដឹងដែរថាការប្រកួតជើងទី២វគ្គ៨ក្រុមចុងក្រោយនៃពានរង្វាន់ Champions League រវាងក្រុមទាំងពីរនឹងធ្វើឡើងម្តងទៀតនៅថ្ងៃទី១៦ខែមេសាវេលាម៉ោង២យប់៕
ប្រែសម្រួល៖ស៊ុនលី
