យោងតាមការ ចេញផ្សាយរបស់ The Goal បានឲ្យដឹងថា កីឡាករ Eric Dier នឹងអាចសម្រេចចិត្តចាចេញពីក្លឹប Bayern Munich នៅចុងរដូវកាលនេះ ដើម្បីចូលរួមជាមួយ នឹងក្លឹបបារាំង Monaco ជំនួសវិញ ។
ការចូលរួមជាមួយ នឹងក្លឹបយក្សអាល្លឺម៉ង់នេះ មានពេលវេលាត្រឹមតែ១៨ខែប៉ុណ្ណោះ ត្រូវបានឈានមកដល់ទីបញ្ចប់ ដោយមិនមានការចរចា ដើម្បីអាចបន្តកុងត្រាថ្មីនោះទេ សម្រាប់កីឡាករអង់គ្លេសរូបនេះ ។
Dier ដែលមានវ័យ៣១ឆ្នាំទៅហើយនោះ នឹងចូលរួមជាមួយនឹងក្លឹប នៅលីគកំពូលបារាំង ជាមួយនឹងកុងត្រា ដែលគ្មានតម្លៃខ្លួន ប៉ុន្តែរហូតដល់ឆ្នាំ២០២៧ និងជម្រើសក្នុង ការបន្តកុងត្រាផងដែរ។
គួរឲ្យដឹងដែរថា Dier បានចូលរួមជាមួយនឹង Bayern Munich កាលពីខែមករាឆ្នាំ២០២៤ ជាមួយនឹងតម្លៃខ្លួនត្រឹមតែ ៣លានផោនប៉ុណ្ណោះ ហើយអតីតកីឡាកររបស់ Spurs រូបនេះធ្លាប់ធ្វើការទាំង ជាមួយនឹងលោក Thomas Tuchel និង Vincent Kompany ផងជាគ្រូបង្វឹក៕
ប្រែសម្រួល៖ស៊ុនលី
