យោងតាមការចេញផ្សាយរបស់ The Goal បានឲ្យដឹងថា កីឡាករឆ្នើម Xavi Simons ត្រូវបានគេរាយការណ៍ថា នឹងមិនមានបំណង ក្នុងការបន្តលេង ជាមួយនឹងក្លឹប RB Leipzig ទៀតនោះទេហើយជឿជាក់ថា ក៏កំពុងមានទំនាក់ទំនង ជាមួយនឹងក្លឹប Man UTD ផងដែរ។
ប្រភពដដែលបានសរសេរទៀតថា កីឡាករ Simons បានត្រៀមខ្លួនរួច ទៅហើយក្នុងការចាកចេញពី Leipzig ទោះបីជាក្លឹបបានព្យាយាម ក្នុងការចរចានិងបង្កើន លក្ខខណ្ឌមួយចំនួនក្តី ។ គេជឿជាក់ថាកីឡាករហូឡង់រូបនេះ មានគោលដៅធំៗ ចំនួន២នៅពេលនេះគឺទី១ជាមួយនឹង Man UTD និងមួយទៀតជាមួយនឹងក្លឹប Bayern Munich។
គួរឲ្យដឹងដែរថា Simons បានចូលរួមជាមួយនឹង Leipzig ក្នុងកុងត្រាខ្ចីជើង កាលពីរដូវក្តៅមុនពីក្លឹប PSG និងលទ្ធភាពក្នុងការទិញដាច់ នៅខែមករាក្នុងតម្លៃខ្លួន៤២លានផោន ប៉ុន្តែការចរចាមិនជោគជ័យ ទេសម្រាប់កីឡាករវ័យ២២ឆ្នាំរូបនេះហើយជឿជាក់ថា នឹងអាចមានតម្លៃខ្លួនថ្មីដល់ទៅ៦៧លានផោន នៅរដូវក្តៅខាងមុខនេះ៕
ប្រែសម្រួល៖ស៊ុនលី
