បរទេស៖ វែបសាយ Pornhub ដែលជាវេទិកាមាតិកាសម្រាប់មនុស្សពេញវ័យដ៏ធំបំផុតមួយរបស់ពិភពលោក បានគំរាមបញ្ឈប់ប្រតិបត្តិការនៅក្នុងប្រទេសបារាំង ជុំវិញបទប្បញ្ញត្តិផ្ទៀងផ្ទាត់អាយុដ៏តឹងរ៉ឹងរបស់ប្រទេសនេះ ដែលវាអះអាងថា ធ្វើឱ្យទិន្នន័យឯកជនរបស់អ្នកប្រើប្រាស់ងាយរងគ្រោះ ការលួចចូល (Hack) និងការលេចធ្លាយ។
យោងតាមសារព័ត៌មាន RT ចេញផ្សាយនៅថ្ងៃទី៤ ខែមិថុនា ឆ្នាំ២០២៥ បានឱ្យដឹងថា ក្រុមហ៊ុនមេរបស់វេទិកានេះគឺ Aylo – ដែលដំណើរការគេហទំព័រមនុស្សពេញវ័យដ៏ពេញនិយមដូចជា RedTube និង YouPorn – បានសម្តែងការព្រួយបារម្ភអំពីលទ្ធភាពនៃការអនុលោមតាមតម្រូវការរបស់បារាំងត្រឹមថ្ងៃផុតកំណត់នៅថ្ងៃទី ៧ ខែមិថុនា។
ចាប់ផ្តើមពីថ្ងៃពុធ អ្នកប្រើប្រាស់បារាំងនឹងត្រូវបានស្វាគមន៍ដោយសារដែលបរិហារការទាមទារការផ្ទៀងផ្ទាត់អាយុ ក្នុងគោលបំណងពន្យល់ដោយផ្ទាល់ថា “គ្រោះថ្នាក់ប៉ុណ្ណា លទ្ធភាពនៃការរំលោភសិទ្ធឯកជនភាព និងរបៀបដែលច្បាប់បារាំងគ្មានប្រសិទ្ធភាព”, នេះបើតាមតំណាងក្រុមហ៊ុនបានប្រាប់សារព័ត៌មាន AFP ។
ស្ថាប័ននិយតកម្មរបស់បារាំង គឺ Arcom បានបញ្ជាឱ្យគេហទំព័រសម្រាប់មនុស្សពេញវ័យអនុវត្តប្រព័ន្ធផ្ទៀងផ្ទាត់អាយុដ៏ម៉ឺងម៉ាត់ ដើម្បីការពារអនីតិជនពីការចូលប្រើខ្លឹមសារជាក់ស្តែងក្រោមច្បាប់ដែលបានអនុម័តក្នុងឆ្នាំ ២០២៣។ ការមិនគោរពតាម គឺអាចនឹងបណ្តាលឱ្យមានការផាកពិន័យ ឬបិទគេហទំព័រក្នុងប្រទេសបារាំង។
រដ្ឋាភិបាលបារាំងរក្សាថា វិធានការនេះមានសារៈសំខាន់សម្រាប់ការពារអនីតិជនតាមអ៊ីនធឺណិត។ Aurore Berge ប្រតិភូរដ្ឋមន្ត្រីសម្រាប់សមភាពរវាងស្ត្រី និងបុរស និងការប្រយុទ្ធប្រឆាំងនឹងការរើសអើង បានចោទប្រកាន់ Pornhub, YouPorn និង RedTube ពីការបដិសេធមិនគោរពតាមក្របខណ្ឌច្បាប់របស់បារាំង ហើយថា បើវែបសាយនេះ សម្រេចចិត្តចាកចេញពី បារាំង គឺ “កាន់តែប្រសើរ”៕
