អតីតកីឡាករហ្វុតសាល​​ របស់វៀតណាមម្នាក់ស្លាប់ អំឡុងពេលប្រកួត ការប្រកួតកីឡាបាល់ទាត់ក្នុងស្រុក

វៀតណាម៖យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា អតីតកីឡាករហ្វុតសាលជនជាតិវៀតណាម លោក Tran Dang Thien បានទទួលមរណភាពភ្លាមៗ ដោយសារជំងឺដាច់សរសៃឈាមខួរក្បាល ខណៈលោកចូលរួមការប្រកួតកីឡាបាល់ទាត់ក្នុងស្រុក។

កីឡាករ Thien វ័យ ២៥ ឆ្នាំបានដួលនៅលើទីលានដោយខ្លួនឯង កាលពីយប់ថ្ងៃអង្គារ។ មិត្តរួមក្រុមរបស់លោកបានធ្វើការសង្គ្រោះបឋមយ៉ាងឆាប់រហ័ស និងបានអំពាវនាវរកជំនួយផ្នែកវេជ្ជសាស្រ្ត ប៉ុន្តែទោះបីជាមានការខិតខំប្រឹងប្រែងយ៉ាងណាក៏ដោយ ក៏លោកមិនអាចរស់ឡើងវិញបានដែរ។

អតីតកីឡាករហ្វុតសាលកើតនៅទីក្រុងហូជីមិញ លោក Thien ជាកីឡាករហ្វុតសាលរបស់ Tan Hiep Hung FC ជាកន្លែងដែលលោកបានប្រកួតក្រោមការដឹកនាំរបស់អតីតគ្រូបង្វឹកហ្វូតសាលជម្រើសជាតិវៀតណាម Pham Minh Giang ក្នុងការប្រកួតជើងឯកថ្នាក់ជាតិ។

លោក Thien ក៏ជាសមាជិកដ៏មានតម្លៃនៃក្រុមនិស្សិតហ្វូតសាលវៀតណាមដែលទទួលបានមេដាយប្រាក់ក្នុងមហោស្រពកីឡាសិស្សអាស៊ីអាគ្នេយ៍ឆ្នាំ ២០២០ ខណៈលោកកំពុងសិក្សានៅសាកលវិទ្យាល័យអប់រំកាយ និងកីឡា។ នៅចុងឆ្នាំ ២០២៣ លោក Thien បានផ្លាស់ប្តូរទៅជាគ្រូបង្វឹក និងចូលរួមជាមួយ Phu Duc Tri FC ។ លោកក៏ជាអ្នកចូលរួមយ៉ាងសកម្មក្នុងកីឡាបាល់ទាត់ស្ម័គ្រចិត្ត ដោយបានប្រកួតជាប្រចាំក្នុងការប្រកួតបាល់ទាត់ថ្នាក់ជាតិ 7-a-side ។

Phu Duc Tri ជាកន្លែងដែលលោក Thien ធ្លាប់បង្វឹកនោះ បានសម្តែងការសោកស្ដាយយ៉ាងខ្លាំងចំពោះមរណភាពរបស់គាត់ដោយមិនបានកំណត់ពេលវេលា ដោយពណ៌នាថា លោកជាបុគ្គលដែលមានចិត្តល្អ ទេពកោសល្យវ័យក្មេង និងជាគ្រូបង្វឹកដែលខិតខំប្រឹងប្រែង។

ពិធីបុណ្យសពរបស់លោក Thien ត្រូវបានប្រារព្ធឡើងនៅឯផ្ទះបុណ្យសពនៅស្រុកទី ៥ ទីក្រុងហូជីមិញ មុនពេលបូជាសពរបស់លោកនៅទីបញ្ចុះសព Da Phuoc ក្នុងស្រុក Binh Chanh ៕https://e.vnexpress.net/news/sports/other-sports/former-futsal-player-dies-during-game-at-age-25-4894822.html