យោងតាមការចេញផ្សាយរបស់ The Goal បានឲ្យដឹងថាកីឡាករ Xavi Simons ក្រោយបានផ្ទេរ ចូលរួមក្លឹប Spurs ជាផ្លូវការក្នុងតម្លៃខ្លួន ៥១,៨លានផោន រួចមកហើយកីឡាកររូបនេះ គឺត្រូវបានក្លឹបផ្តល់អាវលេខ៧ ភ្លាមត្រៀមចូលប្រកួតផងដែរ ។
កីឡាករវ័យ២២ឆ្នាំរូបនេះ បានផ្ទេរចូលរួមក្លឹបជាផ្លូវការក្រោយការចរចា ជាច្រើនលើកហើយនឹងត្រូវក្លាយជាកីឡាករលេខ៧ ជំនួសឲ្យកីឡាករកូរ៉េខាងត្បូង Son Heung min ដែលទើបបានសម្រេចចិត្តចាកចេញ ។
គ្រូបង្វឹកថ្មីរបស់ក្លឹបលោក Thomas Frank បានបង្ហាញនូវក្តីរីករាយដែលអាចនាំយកកីឡាករវ័យក្មេងនិងមានការតាំងចិត្តខ្ពស់បែបនេះមកចូលរួមក្លឹប៕
ប្រែសម្រួល៖ស៊ុនលី
