ព័រទុយហ្គាល់៖ កីឡាករលំដាប់ពិភពលោកជនជាតិព័រទុយហ្គាល់ Cristiano Ronaldo បានបង្ហាញថា លោកមានគម្រោងចូលនិវត្តន៍ឆាប់ៗនេះ ខណៈកីឡាករឆ្នើមព័រទុយហ្គាល់ និងកីឡាកររបស់ក្លិបបាល់ទាត់ Al Nassr រូបនេះកំពុងត្រៀមខ្លួនសម្រាប់ការបញ្ចប់អាជីពដ៏អស្ចារ្យរបស់លោក យោងតាមការចេញផ្សាយពីគេហទំព័រ VN Express ។
កីឡាករ Ronaldo បានពិភាក្សាអំពីគំនិតរបស់គាត់អំពីការចូលនិវត្តន៍ និងជីវិតរបស់គាត់ បន្ទាប់ពីបាល់ទាត់ក្នុងបទសម្ភាសន៍ជាមួយ Piers Morgan Uncensored។បុរសវ័យ៤០ឆ្នាំរូបនេះ រកបាន៩៥២ គ្រាប់ដ៏គួរឲ្យកត់សម្គាល់ គឺជាកីឡាករម្នាក់ក្នុងចំណោមកីឡាករដែលមានស្នាដៃល្អបំផុតក្នុងប្រវត្តិសាស្ត្រនៃកីឡា ប៉ុន្តែទីបញ្ចប់គឺអាចមើលឃើញសម្រាប់អាជីពដ៏អស្ចារ្យរបស់គាត់។
នៅពេលសួរថា ពេលណាលោកនឹងពិចារណាព្យួរស្បែកជើងរបស់លោក ហើយលោក Ronaldo មានកិច្ចសន្យាជាមួយ Al Nassr រហូតដល់ឆ្នាំ ២០២៧ បានឆ្លើយថា ឆាប់ៗនេះ ប៉ុន្តែខ្ញុំគិតថាខ្ញុំនឹងត្រៀមខ្លួនរួចរាល់ហើយ។ ខ្ញុំរៀបចំអនាគតរបស់ខ្ញុំតាំងពីអាយុ ២៥, ២៦ និង២៧ ឆ្នាំមកម្ល៉េះ ខ្ញុំរៀបចំអនាគតរបស់ខ្ញុំ ដូច្នេះខ្ញុំគិតថាខ្ញុំនឹងអាចទប់ទល់នឹងសម្ពាធនោះបាន។
លោក Ronaldo មានទំនុកចិត្តថា លោកនឹងអាចស៊ូទ្រាំដោយគ្មានបាល់ទាត់ ពីព្រោះលោកចង់ផ្តោតលើគ្រួសារ និងចំណាប់អារម្មណ៍ក្រៅទីលានរបស់លោក។ លោកបានបញ្ជាក់ថា គ្មានអ្វីអាចប្រៀបធៀបអាដ្រេណាលីនដែលយើងមានសម្រាប់បាល់ទាត់ដើម្បីរកគ្រាប់បាល់បាននោះទេ៕
