ហ្សឺណែវ៖ អេស្ប៉ាញ នៅតែអាចរក្សាតំណែងកំពូលរបស់ខ្លួន ហើយក្រុមកំពូលទាំង៤ នៅតែរក្សាតំណែងបានដដែល ខណៈដែលចំណាត់ថ្នាក់ពិភពលោកបុរសរបស់ FIFA ចុងក្រោយបំផុត ត្រូវបានចេញផ្សាយនៅថ្ងៃពុធ។
ការប្រកួតអន្តរជាតិ សរុបចំនួន ១៤៩ប្រកួត រួមទាំងការប្រកួតមិត្តភាពចំនួន ៧៤ប្រកួត ត្រូវបានប្រកួតប្រជែង ក្នុងអំឡុងពេលនេះ ខណៈដែលអាហ្សង់ទីន បារាំង និងអង់គ្លេសរក្សា តំណែងរបស់ពួកគេពីលេខរៀងទី២ ដល់លេខរៀងទី៤ ក្នុងចំណាត់ថ្នាក់រៀងៗខ្លួន។
ប្រេស៊ីល បានឡើងពីរចំណាត់ ថ្នាក់ដល់លេខរៀងទី៥ ខណៈដែលព័រទុយហ្គាល់ បានធ្លាក់ចុះមកលេខរៀងទី៦ និងហូឡង់មកលេខរៀងទី៧ ។
អ៊ីតាលីបានធ្លាក់ចេញពីកំពូលទាំង ១០ ពីលេខរៀងទី៩ មកលេខរៀងទី១២ បន្ទាប់ពីចាញ់ន័រវែស ៤-១។ បែលហ្ស៊ិក អាល្លឺម៉ង់ និងក្រូអាស៊ីកាន់កាប់ តំណែងលេខរៀងទី៨ ដល់លេខរៀងទី១០ រៀងៗខ្លួន៕
ប្រែសម្រួល ឈូក បូរ៉ា
