The Goal ចេញផ្សាយនៅថ្ងៃនេះបានឲ្យដឹងថាគ្រូបង្វឹកក្លឹប Real Madrid លោក Xabi Alonso បានធ្វើការអះអាងថាកីឡាករខ្សែបម្រើ Jude Bellingham កំពុងមានទំនាក់ទំនងយ៉ាងរីករាយជាមួយនឹងគ្នា។
ការចេញមកធ្វើការអះអាងនេះធ្វើឡើងនៅចំពេលដែលមានព័ត៌មានថាមានភាពតានតឹងដាក់គ្នារវាងលោកជាមួយនឹងកីឡាករសញ្ជាតិអង់គ្លេសរូបនេះ។
យ៉ាងណាក្តីលោក Alonso បានអះអាងថាទំនាក់ទំនងរវាងគ្នាពិតជាល្អខ្លាំងណាស់។កីឡាករមានទំរង់លេងល្អនិងមិនមានបញ្ហាអ្វីធំដំទេចាប់តាំងតែពីពេលដែលជាសះស្បើយពីរបួសស្មាកន្លងមក។
លោកគ្រូបង្វឹកអេស្បាញរូបនេះបានពោលបែបនេះថា៖ប្រាកដជាមិនមានបញ្ហាអ្វីនោះទេនៅពេលនេះ។ខ្ញុំមានទំនាក់ទំនងល្អខ្លាំងណាស់ជាមួយនឹង Jude។គាត់គឺជាកីឡាករកម្រិតពិភពលោក។គាត់អភិវឌ្ឍខ្លួននិងបានជួយបង្កើនសមត្ថភាពរបស់ក្រុមនិងជះឥទ្ធិពលខ្លាំងដល់ក្រុមទាំងមូល៕
ប្រែសម្រួល៖ ស៊ុនលី
