ក្រុមកីឡាអូឡាំពិករដូវរងា របស់ជប៉ុន បានវិល​ត្រឡប់មកផ្ទះវិញជាមួយនឹងមេដាយកំណត់ត្រាដ៏អស្ចារ្យ

តូក្យូ៖យោងតាមការចេញ ផ្សាយពីគេហទំព័រ Japan Today បានប្រាប់ឲ្យដឹងថា ក្រុមកីឡាអូឡាំពិករដូវរងា របស់ជប៉ុនដែលបានចូលរួម ការប្រកួតកីឡាអូឡាំពិក Milan Cortina បានវិលត្រឡប់មកផ្ទះវិញនៅថ្ងៃអង្គារ បន្ទាប់ពីព្រឹត្តិការណ៍រយៈពេល ១៧ ថ្ងៃនៅភាគខាងជើង ប្រទេសអ៊ីតាលីចប់ជាផ្លូវការ ដោយបានឈ្នះមេដាយចំនួន ២៤ ច្រើនជាងគេក្នុងព្រឹត្តិការណ៍កីឡារដូវរងា រួមទាំងមេដាយមាសចំនួន ៥ គ្រឿងស្មើនឹងកំណត់ត្រា ។

គណៈកម្មាធិការអូឡាំពិកជប៉ុនបាននិយាយថា យន្តហោះមួយគ្រឿងដែលដឹកគណៈប្រតិភូជប៉ុនដែលមានសមាជិក ១២២នាក់ រួមទាំងអត្តពលិកចំនួន ៥៣ នាក់ បានមកដល់អាកាសយានដ្ឋាន Narita ខណៈអ្នកគាំទ្របានប្រមូលផ្តុំគ្នាដើម្បីមើល។

សន្និសីទសារព័ត៌មានមួយនៅទីក្រុងតូក្យូ កីឡាការិនី Riku Miura បានឈ្នះមេដាយមាសអូឡាំពិកដំបូង របស់ជប៉ុនក្នុងការជិះស្គី លើទឹកកកជាគូជាមួយកីឡាករ Ryuichi Kihara បាននិយាយថា ពួកគេអាចយកឈ្នះលើកំហុសដំបូង និងនៅតែផ្តោតអារម្មណ៍ ដោយជឿជាក់លើការហ្វឹកហាត់ទាំងអស់ដែលយើងបានអនុវត្ត។ Kihara បាននិយាយថា “មានពេលមួយដែលខ្ញុំមានអារម្មណ៍ថាខ្ទេចខ្ទី ប៉ុន្តែខ្ញុំបានតស៊ូជាមួយ Riku។

ម្ចាស់មេដាយសំរឹទ្ធិស្គីលើទឹកកកនារី Ami Nakai បានសម្តែងការដឹងគុណចំពោះការអបអរសាទរយ៉ាងខ្លាំងដែលនាងបានទទួល ដោយនិយាយថាការគាំទ្របានជួយនាងឲ្យទទួលបានមេដាយមួយ ទោះបីជានាងមិននឹកស្មានថានៅដើមរដូវកាលនឹងប្រកួតប្រជែងនៅអូឡាំពិកក៏ដោយ៕