អាមេរិក៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា កីឡាការិនីជិះស្គីលើទឹកកកជនជាតិអាមេរិក និងជាម្ចាស់មេដាយមាសក្នុងព្រឹត្តិការណ៍កីឡាអូឡាំពិក នាង Alysa Liu ត្រូវបានគេស្គាល់នាងដោយសារស្នាមញញឹមដ៏មានមន្តស្នេហ៍ និងស្ទីលម៉ូដសក់ទាន់សម័យ ត្រូវបានជាប់ឈ្មោះក្នុងបញ្ជីមុខស្អាតបំផុតទាំង ១០០ ប្រចាំឆ្នាំ ២០២៦ដោយ TC Candler ។
កីឡាការិនីអាយុ ២០ ឆ្នាំរូបនេះត្រូវបានប្រកាសរួមជាមួយបញ្ជីឈ្មោះតារាល្បីៗទូទាំងពិភពលោក រួមទាំងតារាសម្តែង Krystal Jung, Sydney Sweeney និង Yu Prariyapit ក៏ដូចជាអ្នកប្រកួតផ្តាច់ព្រ័ត្រកំពូលទាំង ៥ របស់ Miss Cosmo 2025 គឺ Italy Mora។
នេះគឺជាការតែងតាំងលើកដំបូងរបស់នាង Liu ដោយ TC Candler បង្ហាញពីការកើនឡើងយ៉ាងខ្លាំងនៃប្រជាប្រិយភាពរបស់នាងបន្ទាប់ពីការសម្តែងដ៏ល្បីនៅក្នុងព្រឹត្តិការណ៍អូឡាំពិករដូវរងា Milano-Cortina 2026 ជាកន្លែងដែលនាងបានឈ្នះការប្រកួតឯកត្តជននារី និងបានជួយក្រុម Team USA ទទួលបានមេដាយមាសក្នុងព្រឹត្តិការណ៍ក្រុម។
ក្រៅពីទេពកោសល្យកីឡារបស់នាង Liu បានទាក់ទាញទស្សនិកជនជាមួយនឹងសក់ពណ៌ត្នោតខ្ចី និងឆ្នូតពណ៌ត្នោតរបស់នាង ជារូបរាងដែលបានក្លាយជានិន្នាការក្តៅយ៉ាងឆាប់រហ័ស។
នាង Liu ត្រូវបានគេមើលឃើញកាន់តែខ្លាំងឡើងថាជាមុខមាត់របស់កីឡាការិនីជំនាន់ថ្មី មានបទដ្ឋានយូរអង្វែងនៃម៉ូដ សម្រស់ និងការបញ្ចេញមតិខ្លួនឯងនៅលើពិភពនៃការជិះស្គីលើទឹកកក។ បន្ទាប់ពីការបង្ហាញរបស់នាងនៅប្រទេសអ៊ីតាលីកាលពីខែកុម្ភៈ ចំនួនអ្នកតាមដាននៅលើ Instagram របស់កីឡាការិនីវ័យ ២០ ឆ្នាំរូបនេះបានកើនឡើងយ៉ាងខ្លាំងពីប្រហែល ២១០,០០០នាក់ ដល់ ៧ លាននាក់៕
