បច្ចេកវិទ្យា
អ្នកខ្លះ ពេលទូរសព្ទចូលទឹក ដាក់សម្ងួតក្នុងធុងអង្ករ! ឥឡូវ Apple ព្រមានថា ធ្វើអ៊ីចឹងអាចខ្ទេច ទូរសព្ទតែម្តង
តើលោកអ្នកធ្លាប់ យកទូរសព្ទដែលចូលទឹក ទៅដាក់សម្ងួតក្នុងបាវ ឬធុងអង្ករដែរទេ? ព្រោះថា វាជាទម្លាប់តៗគ្នាដែលគ្មានបច្ចេកទេសច្បាស់លាស់នោះទេ ដោយគេជឿថា អង្ករនឹងស្រូបទឹកចេញពីទូរសព្ទ។ តាមរយៈការស្រាវជ្រាវជាច្រើនឆ្នាំ អំពីការដាក់សម្ងួតទូរសព្ទក្នុងអង្ករនេះ បានបង្ហាញថា ការពិតអង្ករមិនអាចសម្ងួតទឹកចេញពីទូរសព្ទបានទេ ហើយថែមទាំងមិនអាចឱ្យទូរសព្ទឆាប់ស្ងួតទៀតផង ជាហេតុធ្វើឱ្យទូរសព្ទប្រឈមនឹងការឆាប់ខូចជាងមុន។ ទន្ទឹមនេះ ឯកសារថ្មីមួយក្នុងឆ្នាំ២០២៤នេះ ពីក្រុមហ៊ុន Apple បានបញ្ជាក់ច្បាស់ៗ និងក្រឿនរំលឹកកុំឱ្យដាក់ទូរសព្ទសម្ងួតក្នុងអង្ករ ព្រោះវាអាចឱ្យកម្ទេចអង្ករចូលទៅបំផ្លាញ iPhone...