ប៉ារីស៖ការស៊ើបអង្កេត ដែលដឹកនាំដោយសហរដ្ឋអាមេរិក ទៅលើការខកខាននៃម៉ាស៊ីនជាបន្តបន្ទាប់លើយន្តហោះធុនតូចបំផុតរបស់ក្រុមហ៊ុន Airbus គឺយន្តហោះធុន A220 កំពុងសិក្សាថា តើការផ្លាស់ប្តូរសូហ្វវែរអនុញ្ញាតឲ្យមានរំញ័រ ដែលមិនបានរំពឹងទុកបានហែកផ្នែកខ្លះ និងបង្ខំឲ្យចុះចតជាបន្ទាន់ចំនួន ៣ ។
ក្រុមហ៊ុនអាកាសចរណ៍ស្វ៊ីសបានបញ្ឈប់យន្ដហោះប្រភេទ A220 របស់ខ្លួនអស់រយៈពេលជាងមួយថ្ងៃនៅថ្ងៃទី១៥ ខែតុលា បន្ទាប់ពីការហោះហើរលើកទី ៣ ក្នុងរយៈពេលជាច្រើនខែត្រូវបានបង្ខំឲ្យបង្វែរ ឬត្រឡប់ទៅមូលដ្ឋានវិញដោយមានបញ្ហាម៉ាស៊ីន។ ក្រុមហ៊ុនផលិតម៉ាស៊ីន Pratt & Whitney បានជំរុញឲ្យមានការត្រួតពិនិត្យលើម៉ាស៊ីនស្រដៀងគ្នានៅទូទាំងពិភពលោក។
មនុស្ស២នាក់បាននិយាយថា ក្រុមអ្នកស៊ើបអង្កេតកំពុងផ្តោតការយកចិត្តទុកដាក់របស់ពួកគេទៅលើកំណែថ្មីនៃកម្មវិធីម៉ាស៊ីនដែលអាចអនុញ្ញាតឲ្យផ្នែកខ្លះនៅខាងក្នុងម៉ាស៊ីនត្រូវបានកំណត់តាមរបៀបដែលបណ្តាលឲ្យមានភាពរំជើបរំជួលខាងមេកានិច ឬរំញ័របំផ្លាញ។
ទាំងយន្តហោះធុន A220 និងម៉ាស៊ីនមិនបានចុះចតទេ ប៉ុន្តែក្រុមហ៊ុន Airbus និង Pratt & Whitney មិនបានប្រាប់អ្នកបើកយន្តហោះថាមិនត្រូវជំរុញម៉ាស៊ីនលើស ៩៥% នៃកម្លាំងរុញច្រានអតិបរមារបស់ពួកគេនៅពេលហោះហើរលើសពី ២៩,០០០ ហ្វីតនោះទេ។ A320 ដែលធំជាងនិងត្រូវបានគេប្រើជាទូទៅពឹងផ្អែកលើក្រុមគ្រួសាររបស់ម៉ាស៊ីន Pratt ដូចគ្នាប៉ុន្តែកំណែដែលប្រើសម្រាប់យន្ដហោះទាំងនោះមិនត្រូវបានប៉ះពាល់ដោយការពិនិត្យកម្មវិធីទេ៕ ដោយ៖លី ភីលីព
