ស្ថាប័ន FTC សហរដ្ឋអាមេរិកនិងរដ្ឋ Nevada កំពុងធ្វើចំណាត់ការ ព្យាយាមបិទចោលនូវគេហទំព័រអាសអាភាស MyEx.com ដែលជាគេហទំព័របើក ឲ្យមានការបង្ហោះរូបភាពឬព័ត៌មានពីបុគ្គលណាម្នាក់ ដោយសេរីនិងគ្មាន ការអនុញ្ញាតពីម្ចាស់ដើម។
យោងតាមពាក្យបណ្តឹងដែលបានដាក់ទៅតុលាការកាលពីថ្ងៃអង្គារ ចំនួនជនរងគ្រោះកើនឡើងដល់ ១២ ៦២០ ករណីគិតត្រឹមខែធ្នូក្នុងឆ្នាំ ២០១៧ ដោយភាគច្រើនត្រូវគេលួចបង្ហោះរូបនិងសរសេរឈ្មោះពេញនៃម្ចាស់រូបនោះ។
ក្រៅពីនោះក៏មានការបង្ហើបទាក់ទងនឹងអាសយដ្ឋាន, ឈ្មោះគណនីបណ្តាញសង្គម ដែលចាត់ទុកជាអំពើយាយីដល់ជងរងគ្រោះយ៉ាងពិតប្រាកដ។ មិនតែប៉ុណ្ណោះគេហទំព័រខុសច្បាប់មួយនេះ ក៏បើកសិទ្ធិឲ្យម្ចាស់រូបអាចស្នើក្នុងការលុបចោលនូវទិន្នន័យចេញបាន ប៉ុន្តែទាមទារប្រាក់ជាថ្នូរចន្លោះពី ៤៩៩ ដុល្លារ ទៅ ២ ៨០០ ដុល្លារ ។
_medium.jpg)
អ្នកគ្រប់គ្រងស្ថាប័ន FTC លោក Maureen K.Ohlhausen បានចេញសេចក្ដីថ្លែងការណ៍ដូច្នោះថា “បុគ្គលដែលត្រូវបានគេយាយីក្នុងគេហទំព័រមួយនេះ ជាចំណែកនៃការរងគ្រោះដ៏ធ្ងន់ធ្ងរមិនថាតែខាតបង់ថវិកាដើម្បីស្នើឲ្យលុបរូបចេញ, ព័ត៌មានផ្ទាល់ខ្លួន, បាត់បង់ការងារ និងឈាមដល់ការគំរាមកំហែងក្នុងករណីណាមួយ” ៕ប្រភព៖ news.sabay.com.kh
