បរទេស៖អង្គការសម្ព័ន្ធមិត្តណាតូ តាមសេចក្តីរាយការណ៍ បាននិយាយនៅថ្ងៃអង្គារសប្ដាហ៍នេះថា អង្គការណាតូនិងក្រុមហ៊ុនប៊ូអ៊ីង នឹងធ្វើការប្រកាស ជាផ្លូវការ នូវសេចក្តីលម្អិតនៃកុងត្រាមាន ទំហំទឹកប្រាក់១ពាន់លានដុល្លារ នៅថ្ងៃពុធនេះ សម្រាប់ការធ្វើឲ្យកាន់តែប្រសើរឡើង នូវយន្តហោះបំពាក់ប្រព័ន្ធត្រួតពិនិត្យ និងព្រមានប្រាប់ជាមុន។
កុងត្រានោះ នៅថ្ងៃពុធនេះ នឹងត្រូវចុះហត្ថលេខា នៅក្នុងពិធីផ្លូវការមួយ ដែលប្រារព្ធធ្វើឡើង នៅអាកាសយានដ្ឋាន Melsbroek ក្នុងទីក្រុងព្រួចសែល ដោយមានវត្តមានចូលរួមរបស់ អគ្គលេខាធិការអង្គការណាតូ លោក Jens Stoltenberg និងលោក Sir Michael Arthur ជានាយកនៃក្រុមហ៊ុន Boeing International។
គួរបញ្ជាក់ថា អង្គការណាតូកំពុង ប្រតិបត្តិការ ប្រើប្រាស់យន្តហោះ AWACS ចំនួន១៤គ្រឿង ដែលអាចតាមដាន ចាប់សញ្ញាមីស៊ីល និងយន្តហោះសត្រូវ នៅក្នុងដែនអាកាសណាតូ ហើយអង្គការសម្ពន្ធមិត្តនេះ មានបំណងរក្សាប្រើប្រាស់ យន្តហោះទាំងនោះ រហូតដល់ឆ្នាំ២០៣៥៕
ប្រែសម្រួល៖ប៉ាង កុង
