LAS VEGAS៖នៅពេលរថយន្តវិវត្ត ទៅជាកុំព្យូទ័រចល័តវិល សក្តានុពលនៃការ វាយប្រហារតាមប្រព័ន្ធអ៊ីនធើណេត បានក្លាយជាគ្រោះថ្នាក់ចរាចរណ៍ ថ្មីមួយទៀត ក្រោយពីក្រុមហ៊ុនសន្តិសុខអ៊ីនធើណេត បង្ហាញក្នុងពិព័រណ៍គ្រឿងអេឡិចត្រូនិក នៅ LAS VEGAS យោងតាមការចេញផ្សាយពី គេហទំព័រជប៉ុនធូដេ។
ក្រុមហ៊ុនសន្តិសុខអ៊ីនធើណេត Cyber Security Security GuardKnox បានបង្ហាញពីការគំរាមកំហែង នៅក្នុងការក្លែងធ្វើបើកបររថយន្ត Formula 1 នៅពិព័រណ៍គ្រឿង អេឡិចត្រូនិក Consumer Electronics show ក្នុងសប្តាហ៍នេះនៅ Las Vegas ។ ហើយមួយសន្ទុះក្រោយមកវាចូល ក្នុងការបើកបរនិម្មិតវិស្វកររបស់ GuardKnox ដើរតួជាអ្នកវាយប្រហារ ហើយដៃចង្កូតលែង គ្រប់គ្រងលើ រថយន្តដោយបើកលឿន។
ការប្រកួតប្រណាំង ត្រូវបានបញ្ចប់ សម្រាប់អ្នកបើកបរ ដែលជាប់គាំង នៅតាមចិញ្ចើមផ្លូវក្នុងសេណារីយ៉ូ ដែលអ្នកឯកទេសខាងសន្តិសុខតាមអ៊ីនធើណេត និយាយថា អាចក្លាយជាការពិត។ ម៉ូដែលរថយន្តថ្មីមានផ្ទុកនូវបន្ទះ ឈីបកុំព្យួទ័រ ជាឧបករណ៍ចាប់សញ្ញា និងបច្ចេកវិទ្យាទូរស័ព្ទចល័តដែលពួក Hacker អាចលួចពីប្រព័ន្ធបំផ្លាញ ឬបញ្ជាមេបញ្ជាការ។
ឱកាសសម្រាប់ ការវាយប្រហារ កំពុងត្រូវបានកែលម្អឡើងវិញ ដោយនិន្នាការនៃការបើកបរ ដោយខ្លួនឯង រថយន្តអគ្គិសនីទំនាក់ទំនងភ្លាមៗ ជាមួយ Cloud ហេដ្ឋារចនាសម្ព័ន្ធ ទីក្រុងឆ្លាត និងមួយផ្សេងទៀត។ នាយកប្រតិបត្តិរបស់ GuardKnox លោក Moshe Shlisel បានលើកជា ឧទាហរណ៍នៃពួក Hacker ដែលបានគ្រប់គ្រងរថយន្ត ដឹកប្រេងឥន្ធនៈ ដោយបញ្ជាវា ទៅបុកអគារ៕ ដោយ៖លី ភីលីព
