អាមេរិក៖ ក្រុមហ៊ុន Appleបានផ្តល់នូវការសន្យារបស់ខ្លួនថា បច្ចេកវិទ្យាផ្តោតលើឯកជនភាព របស់បច្ចេកវិទ្យាយក្ស iOS 13បានកាត់បន្ថយទិន្នន័យទីតាំង ដែលប្រមូលបានពីកម្មវិធីភាគីទី៣ចំនួន ៦៨ ភាគរយចាប់តាំងពីបានបើកដំណើរកា រកាលពីឆ្នាំមុនបើយោងតាមការចេញផ្សាយ ពីគេហទំព័រឌៀលីម៉ែល។
របាយការណ៍ថ្មីមួយបានរកឃើញថា ការប្រមូលទិន្នន័យផ្ទៃខាងក្រោយ ដោយកម្មវិធីភាគីទី៣បានធ្លាក់ចុះ ៦៨ ភាគរយចាប់តាំងពីប្រព័ន្ធនេះ ត្រូវបានដាក់ចេញកាលពីខែកញ្ញាឆ្នាំមុន ។ បច្ចេកវិទ្យាយក្សបានរចនាការដាស់តឿន ការជូនដំណឹងដល់អ្នកប្រើប្រាស់ នៅពេលកម្មវិធីកំពុងព្យាយាម ប្រមូលទិន្នន័យ ខណៈពេលដែលវាមិនប្រើ ។
ទោះបីជាលក្ខណៈពិសេសនេះ ជាផ្នែកមួយនៃប្រព័ន្ធប្រតិបត្តិការ iOS ចាប់តាំងពីឆ្នាំ ២០១៧ ក៏ដោយក៏ថ្មីៗនេះ Apple បានធ្វើឲ្យអ្នកប្រើប្រាស់ ដឹងកាន់តែច្បាស់ពីសមត្ថភាពរបស់វា ។
ការអាប់ដេតត្រូវបានបង្កើតឡើង យ៉ាងពិសេសជាមួយនឹងលក្ខណៈពិសេស នៃភាពឯកជននឹងជួយអ្នកក្នុងការគ្រប់គ្រងទិន្នន័យ ណាដែលត្រូវបានចែករម្លែក និងការពារកម្មវិធីពីការលុកលុយភាព ឯកជនរបស់អ្នក៕ ដោយ៖លី ភីលីព
