តូក្យូ៖ រដ្ឋាភិបាលជប៉ុននឹងរៀបចំយុទ្ធសាស្ត្រ ឲ្យបានគ្រប់ជ្រុងជ្រោយមួយនៅរដូវក្តៅនេះ លើបណ្តាញទំនាក់ទំនងឥតខ្សែ 6G នាពេលអនាគតរបស់ខ្លួន ក្នុងការប្រកួតប្រជែងទំនាក់ទំនង ជាមួយប្រទេដទៃទៀត យោងតាមការចេញផ្សាយ ពីគេហទំព័រជប៉ុនធូដេ។
យោងតាមក្រសួងកិច្ចការផ្ទៃក្នុង និងទូរគមនាគមន៍បានឲ្យដឹងថា បន្ទះនៅលើបណ្តាញទំនាក់ទំនង 6G ជ្រុលត្រូវបានគេរំពឹងថា នឹងត្រូវបានណែនាំនៅឆ្នាំ២០៣០ ដោយទទួលបានជោគជ័យនូវសេវាកម្ម 5G មាននៅក្នុងប្រទេសជប៉ុនចាប់ពីរដូវផ្ការីកនេះ។ រដ្ឋមន្រ្តីក្រសួងទំនាក់ទំនង លោក Sanae Takaichi បាននិយាយនៅក្នុងសន្និសីទសារព័ត៌មានថា ការណែនាំយ៉ាងរលូននៃស្តង់ដារ សម្រាប់បណ្តាញទំនាក់ទំនងឥតខ្សែជំនាន់ក្រោយ គឺមិនអាចខ្វះបាន ដើម្បីជំរុញការប្រកួតប្រជែងអន្តរជាតិរបស់ជប៉ុន ។
![](https://www.lookingtoday.com/wp-content/uploads/2020/02/photo_2020-02-04_13-35-40-1024x767.jpg)
ប្រទេសជប៉ុនមានភាពយឺតយ៉ាវ នៅពីក្រោយសហរដ្ឋអាមេរិក និងកូរ៉េខាងត្បូងក្នុងការចាប់ផ្តើម សេវាកម្មពាណិជ្ជកម្ម 5G ។ ដូចប្រទេសមួយចំនួនផ្សេងទៀត បានចាប់ផ្តើមពិភាក្សារួចហើយ អំពីរបៀបប្រើប្រាស់បច្ចេកវិទ្យា 6G ទីក្រុងតូក្យូមានគោលបំណង ធ្វើពង្រាងយុទ្ធសាស្ត្រ និងដឹកនាំក្នុងកិច្ចខិតខំប្រឹងប្រែងធ្វើស្តង់ដារ។
ក្រុមនេះនឹងរួមបញ្ចូល ទាំងតំណាងវិស័យឯកជន ក៏ដូចជាអ្នកស្រាវជ្រាវសាកលវិទ្យាល័យហើយនឹង យោបល់ពីឧស្សាហកម្មផ្សេងៗគ្នា ដើម្បីសិក្សាពីបញ្ហាប្រឈម ដែលអាចកើតមាន នាសម័យប្រជុំដំបូងត្រូវបានគ្រោងធ្វើនៅថ្ងៃច័ន្ទ។
![](https://www.lookingtoday.com/wp-content/uploads/2020/02/photo_2020-02-04_13-35-42-1024x683.jpg)
បើប្រៀបធៀបទៅនឹងបណ្តាញ 5G បណ្តាញ 6G នឹងមានល្បឿនបញ្ជូនទិន្នន័យលឿនជាង 5G និងបង្កើនសមត្ថភាព ភ្ជាប់ទៅឧបករណ៍ជាច្រើន ក្នុងពេលដំណាលគ្នា ខណៈពួកគេត្រូវបានគេរំពឹងថា នឹងមានវិធានការសន្តិសុខយ៉ាងទូលំទូលាយ និងកាត់បន្ថយការប្រើប្រាស់ថាមពល៕ ដោយ៖លី ភីលីព
![](https://lookingtoday.com/wp-content/uploads/2020/08/1-2.png)