សេនហ្វ្រេនស៊ីស្កូ៖ ក្រុមហ៊ុន Facebook Inc បាននិយាយថា ខ្លួនគ្រោងនឹងបន្ថែមឧបករណ៍ និងមុខងារថ្មីៗ នៃការគ្រប់គ្រងរបស់មាតាបិតា លើកម្មវិធីផ្ញើសាររបស់ខ្លួន សម្រាប់អ្នកប្រើប្រាស់អាយុក្រោម១៣ ខែបន្ទាប់ពីមានសំណួរជាច្រើន បានលើកឡើងអំពីការការពារភាពឯកជន របស់កម្មវិធីសម្រាប់កុមារ។
ក្រុមហ៊ុនបានបន្តថា មុខងារថ្មីនេះ នឹងរួមបញ្ចូលការចូលទៅកាន់ឪពុកម្តាយ ដើម្បីមើលប្រវត្តិជជែករបស់កូនៗ របស់ពួកគេហើយនឹងអនុញ្ញាតឲ្យពួកគេតាមដានគណនី ត្រូវបានរារាំង ឬមិនទប់ស្កាត់នៅលើកម្មវិធី ។ ឪពុកម្តាយក៏អាចឃើញរូបថត ឬវីដេអូថ្មីៗដែលបានផ្ញើ និងទទួលនៅក្នុងប្រអប់ទទួលរបស់កម្មវិធី ហើយអាចយកវាចេញបើចាំបាច់។
នៅក្នុងខែសីហា Facebook បានទទួលស្គាល់កំហុស ដោយខិតខំធ្វើបានកែសម្រួលលើកម្មវិធី Messenger Kids អនុញ្ញាតឲ្យកុមាររាប់ពាន់នាក់ចូលរួមជជែកលេង ជាក្រុមដែលសមាជិកទាំងអស់ នៃក្រុមមិនត្រូវបានយល់ព្រមដោយឪពុកម្តាយ របស់ពួកគេឡើយ។
Facebook ត្រូវបានស្ថិតក្រោមការត្រួតពិនិត្យ ពីសំណាក់រដ្ឋាភិបាលជាច្រើន លើការការពារសុវត្ថិភាពកុមារ នៅលើបណ្តាញកម្មវិធីរបស់ខ្លួន ជាពិសេសចាប់តាំងពីបានប្រកាសពីផែនការរបស់ខ្លួន ដើម្បីពង្រីកការអ៊ិនគ្រីប ដល់ចុងនៅទូទាំងសេវាកម្មផ្ញើសាររបស់ខ្លួនកាលពីឆ្នាំមុន ។
អ្នកតាក់តែងច្បាប់ព្រមានពីការអ៊ិនគ្រីបយ៉ាងខ្លាំង រារាំងពួកគេពីការទទួលបានភស្តុតាង នៃការរំលោភបំពានលើកុមារការការពារមំសាសី ។
Facebook មិនបាននិយាយថា តើកម្មវិធី Messenger Kids នឹងត្រូវបានបញ្ចូលទៅក្នុងផែនការអ៊ិនគ្រីបទេ។ក្រុមហ៊ុនបានបន្ថែមថា ខ្លួនក៏នឹងជូនដំណឹងដល់អ្នកប្រើប្រាស់ Messenger Kids អំពីប្រភេទព័ត៌មានដែលអ្នកផ្សេងអាចមើលឃើញអំពីពួកគេ៕ ដោយ៖លី ភីលីព
