រដ្ឋកាលីហ្វ័រញ៉ា៖ ក្រុមហ៊ុន Google បានចេញផ្សាយកំណែសាកល្បង នៃការធ្វើឲ្យប្រសើរឡើង ប្រចាំឆ្នាំនៃសូហ្វវ៉ែ Android របស់ខ្លួន ដោយមិនចាំបាច់ មានអ្នកគាំទ្រប្រព័ន្ធ ប្រតិបត្តិការចុងក្រោយ ដែលផ្តល់ថាមពល ដល់ស្មាតហ្វូនភាគច្រើន យោងតាមការចេញផ្សាយ ពីគេហទំព័រជប៉ុនធូដេ។
ការដាក់បង្ហាញ កំណែបែតាជំនាន់ទី ១១ របស់ប្រព័ន្ធប្រតិបត្តិការ Android 11 ត្រូវបានប្រកាសកាលពីថ្ងៃពុធ នៅក្នុងការសរសេរប្លុករួម ជាមួយការបង្រៀនវីដេអូ សម្រាប់អ្នកផលិតកម្មវិធីស្មាតហ្វូន នៅលើសេវាកម្មយូធ្យូប របស់ Google ។
ប្រព័ន្ធប្រតិបត្តិការ Android 11 នឹងផ្តល់ជូន នូវលក្ខណៈពិសេសថ្មីៗជាច្រើន ធ្វើឲ្យវាកាន់តែងាយស្រួល សម្រាប់មនុស្ស ក្នុងការស្វែងរកការជូនដំណឹង អំពីអត្ថបទចូល។
វាក៏ផ្តល់ឲ្យអ្នកប្រើប្រាស់ នូវសមត្ថភាព ក្នុងការបើកការសន្ទនាឌីជីថល យ៉ាងឆាប់រហ័សដោយចុចលើ “bubble” អណ្តែតអាចកំណត់ អត្តសញ្ញាណមនុស្ស នៅចុងម្ខាងនៃអត្ថបទ។ “bubble” ប្រព័ន្ធប្រតិបត្តិការ Android ថ្មីឆ្លុះបញ្ចាំង ពីលក្ខណៈពិសេសមួយដែល Facebook ប្រើនៅក្នុងកម្មវិធីផ្ញើសាររបស់ខ្លួន អស់រយៈពេលជាច្រើនឆ្នាំមកហើយ។
សូហ្វវែរជំនាន់ក្រោយ ក៏ត្រូវបានរចនាឡើង ដើម្បីធ្វើការល្អប្រសើរជាងមុន ក្នុងការការពារភាពឯកជន របស់មនុស្ស ដោយក្រុមហ៊ុន Google ត្រូវបានគេចោទប្រកាន់ ជាញឹកញាប់ថា បានលុកលុយ នៅពេលវាប្រមូលព័ត៌មាន ដើម្បីលក់ការផ្សាយពាណិជ្ជកម្ម៕ ដោយ៖លី ភីលីព
