អាមេរិក៖ការលួចចូលមើលទិន្នន័យរបស់ សណ្ឋាគារ MGM អាចលាតត្រដាងទិន្នន័យផ្ទាល់ខ្លួនរបស់ភ្ញៀវចំនួន១៤២ លាននាក់ដែលច្រើន ជាងចំនួន១០ដងនៃចំនួនដែលបានរាយការណ៍ពីមុនទៅទៀតធ្វើឲ្យរងផលប៉ះពាល់ ភាពឯកជន នេះបើយោងតាមការចេញផ្សាយពីគេហទំព័រឌៀលីម៉ែល។
យោងតាមរបាយការណ៍ពីគេហទំព័រ ZDNet ថា ព័ត៌មានថ្មីដែលលេចចេញក្នុងសប្តាហ៍នេះបានបង្ហាញថា ភ្ញៀវចំនួន ១០,៦ លាននាក់ត្រូវបាន រាយការណ៍កាលពីខែកុម្ភៈត្រូវបានគេប៉ាន់ស្មានមិនដល់។ តួលេខថ្មីបានមកពីការផ្សាយពាណិជ្ជកម្ម ដាក់នៅលើគេហទំព័រងងឹតមួយដោយផ្តល់ជូនទិន្នន័យត្រូវបានគេលួចក្នុងតម្លៃ ២,៩០០ ដុល្លារ។ វានិយាយថា រោទិ៍នៃព័ត៌មានលួចមានភ្ញៀវសណ្ឋាគារចំនួន ១៤២,៤៧៩,៩៣៧ នាក់។
ការរំលោភបំពានទិន្នន័យនេះបានលេចចេញជាថ្មី នៅក្នុងខែកុម្ភៈក្រោមកាលៈទេសៈស្រដៀងគ្នានេះ នៅពេលពួក Hacker បានផ្តល់ព័ត៌មានអំពីភ្ញៀវសណ្ឋាគារ ១០,៦ លាននាក់ដោយឥតគិតថ្លៃ។ ក្នុងចំណោមមនុស្សដែលជាប់ទាក់ទងនឹងការរំលោភបំពាននេះរួមមាននាយកប្រតិបត្តិ Twitter លោក Jack Dorsey និង Justin Bieber។
ZDNet បានបញ្ជាក់ថា មិនមានព័ត៌មានហិរញ្ញវត្ថុនៅក្នុងការ រំលោភបំពាននេះទេហើយយោងទៅតាមអ្នកនាំពាក្យរបស់ MGM ដែលភាគច្រើនមាន ព័ត៌មានទំនាក់ទំនងដូចជាឈ្មោះអាស័យដ្ឋានប្រៃសណីយ៍ និងអាស័យដ្ឋានអ៊ីម៉ែល៕ដោយ៖លី ភីលីព
