អាមេរិក៖ក្រុមហ៊ុនបណ្តាញផ្សព្វផ្សាយ សង្គម Twitter កំពុងរិះរកវិធីដែលមាន សក្តានុពលដើម្បីរកប្រាក់បន្ថែមលើវេទិការរបស់ខ្លួនរួមទាំង ពិចារណាលើការណែនាំអំពី ការជាវបង់ថ្លៃដូចក្រុមហ៊ុនបានបញ្ជាក់នាពេលនេះ នេះបើយោងតាមការចេញផ្សាយពី គេហទំព័រឌៀលីម៉ែល។
នាយកប្រតិបត្តិលោក Jack Dorsey បានបង្ហាញពីផែនការនេះ ក្នុងពេលជួបប្រជុំជាមួយអ្នកវិភាគដើម្បីពិភាក្សាអំពីលទ្ធផលនៃការខកចិត្តរបស់ក្រុមហ៊ុន ក្នុងត្រីមាសទី២។ ប្រាក់ចំណូលនៃការផ្សាយពាណិជ្ជកម្មរបស់ Twitter បានធ្លាក់ចុះ២៣ភាគរយបើប្រៀបធៀប ទៅនឹងរយៈពេលដូចគ្នាកាលពីឆ្នាំមុន ពោលគឺថយចុះមកនៅត្រឹម ៥៦២ លានដុល្លារ នៅពេលអ្នកផ្សាយពាណិជ្ជកម្មកាត់បន្ថយការចំណាយចំពេល មេរោគCOVID-១៩ ។
ទោះយ៉ាងណាភាគហ៊ុនរបស់ក្រុមហ៊ុនបានកើនឡើង កាលពីដើមឆ្នាំនេះ នៅពេលមានពាក្យចចាមអារាមអំពីការជាវ ‘Gryphon’ត្រូវបានគេស្គាល់នៅលើ អ៊ីនធើណេតជាលើកដំបូងបង្ហាញពីចំណាប់អារម្មណ៍របស់វិនិយោគិន។ គេមិនទាន់ដឹងថា ផ្នែកណាមួយនៃវេទិកានេះអាចក្លាយជាអតិថិជនបានទេប៉ុន្តែលោក Dorsey បានបញ្ជាក់ថា នេះអាចត្រូវបានបង្ហាញនៅក្នុងប៉ុន្មានខែខាងមុខនេះ៕ដោយ៖លី ភីលីព
