ហុងកុង៖នាយកប្រតិបត្តិក្រុមហ៊ុន TikTok លោក Kevin Mayer បានលាឈប់ពីតំណែងកាលថ្ងៃព្រហស្បតិ៍នេះ ចំពេលសហរដ្ឋអាមេរិកដាក់សម្ពាធឲ្យម្ចាស់ចិន របស់ខ្លួនលក់កម្មវិធីវីដេអូដែលពេញនិយម ដោយសេតវិមាននិយាយថា ជាហានិភ័យផ្នែកសុវត្ថិភាពយោងតាមការចេញផ្សាយ ពីគេហទំព័រជប៉ុនធូដេ។
នៅក្នុងលិខិតមួយទៅកាន់និយោជិកលោក Mayer បានមានប្រសាសន៍ថា ការសម្រេចចិត្តរបស់លោកក្នុងការចាកចេញធ្វើឡើង បន្ទាប់ពីបរិយាកាសនយោបាយមានការផ្លាស់ប្តូរយ៉ាងខ្លាំង។ ការលាលែងរបស់លោកធ្វើឡើង បន្ទាប់ពីប្រធានាធិបតីអាមេរិកលោក Donald Trump បានបញ្ជាឲ្យហាមឃាត់ក្រុមហ៊ុន TikTok លើកលែងតែក្រុមហ៊ុន មេ Bytedance លក់ប្រតិបត្តិការរបស់ខ្លួនទៅឲ្យក្រុមហ៊ុនអាមេរិក មួយក្នុងរយៈពេល ៩០ ថ្ងៃ។
លោកបាននិយាយនៅក្នុងលិខិតនោះថា ខ្ញុំបានធ្វើការឆ្លុះបញ្ចាំងគួរឲ្យកត់សម្គាល់លើអ្វីដែលការផ្លាស់ប្តូរ រចនាសម្ព័ន្ធក្រុមហ៊ុននឹងត្រូវការ ហើយតើវាមានន័យយ៉ាងដូចម្តេចចំពោះតួនាទីជាសកលដែលខ្ញុំបានចុះឈ្មោះ ។ ប្រឆាំងនឹងសាវតានេះហើយដូចដែលយើងរំពឹងថានឹងទទួលបានដំណោះស្រាយមួយឆាប់ៗនេះ វាជាបេះដូងដ៏ធ្ងន់ដែលខ្ញុំចង់ប្រាប់អ្នកទាំងអស់គ្នាអោយដឹងថា ខ្ញុំបានសម្រេចចិត្តចាកចេញពីក្រុមហ៊ុន។
លោក Mayer ជាអតីតនាយកប្រតិបត្តិក្រុមហ៊ុន Disney បានចូលរួមជាមួយ TikTok ក្នុងនាមជានាយកប្រតិបត្តិកាលពីខែឧសភា។ TikTok និយាយថា យើងសូមកោតសរសើរចំពោះសក្ដានុពលនយោបាយ ក្នុងរយៈពេលប៉ុន្មានខែចុងក្រោយនេះបានផ្លាស់ប្តូរយ៉ាងខ្លាំដែលជាតួនាទីរបស់លោក Kevin នឹងឈានទៅមុខហើយគោរពការសម្រេចចិត្តរបស់លោក។ យើងអរគុណលោកដែលបានចំណាយពេលនៅក្រុមហ៊ុន ហើយសូមជូនពរឲ្យលោកមានសុខភាពល្អ៕ ដោយ៖លី ភីលីព
